FAQ - isiZulu

4 • Inkontileka yakho yomshwalense i-Pukwana ya Kganya noma inkontileka yomshwalense i- Thari ya Baruti Pukwana ya Kganya kuzoqala ukusebenza ngomhlaka-1 Januwari 2023, uma iNkantolo Ephakeme ivuma izinguquko zobulungu bakho ngomhlaka-3 Agasti 2022. Yini okufanele uyenze ukuze izinguquko ebulungwini bakho zisebenze? • Lutho. • Ngenxa yezinguquko ebulungwini bakho, abaphathiswa beKganya Benefits Fund Trust bazoya eNkantolo Ephakeme yaseNingizimu Afrika ukuze igunyaze izinguquko. Kwenziwe yonke imizamo ukuqinisekisa ukuthi imihlomulo yakho ihlala injalo futhi izintshisekelo zakho njengelungu elihlomulayo zivikelekile futhi ngeke zithikanyezwe yizinguquko okumele zenziwe. Siyini Isicelo Esilethwe Enkantolo? • Ukuze kugunyazwe izinguquko kuKganya Benefits Fund Trust kanye namalungelo akho njengelungu, abaphathi be-Kganya Benefits Fund Trust bazofaka isicelo eNkantolo ePhakeme yaseNingizimu Afrika (uphiko oluse-Gauteng, eTshwane) ngokwesigaba 13 soMthetho Wokulawulwa Kwezakhiwo ze-Trust Umthetho 57 we-1988 (" Isicelo Esibhekiswe Enkantolo ") ukuze kugunyazwe izinguquko. • INkantolo ePhakeme izophinde ibukisise nesicelo esenziwe ngabakwa-Sanlam ngokuhambisana nesivumelwano senkontileka se-Pukwana ya Kganya nesivumelwano senkontileka iThari ya Baruti Pukwana ya Kganya, kanye nazo zonke izinto ezihlobene nezinguquko njengoba zibekiwe Esicelweni seNkantolo. • Ngakho-ke iNkantolo Ephakeme izocubungula ngokucophelela izinguquko, futhi iqinisekise ukuthi izithakaselo zakho njengelungu elihlomulayo zihlala zivikelekile. • Isicelo Senkantolo sikhishwe eNkantolo Ephakeme yaseNingizimu Afrika (i-Gauteng Division, Pretoria), ngaphansi kwenombolo yecala ethi 62972/2021 . Kukhona okufanele ngikwenze ngokusho Kwesicelo seNkantolo? • Cha, ngaphandle uma ufuna ukuphikisana nezinguquko. • Uma ufuna ukuphikisana izinguquko, ungakwenza lokho ngokufaka isaziso senhloso yokuphikisana neSicelo Esilethwe Enkantolo eNkulu yaseNingizimu Afrika (uphiko oluseGauteng, ePitoli) ngaphambi noma ungakashayi umhlaka 20 Julayi 2022 . • Uma ufaka isaziso senhloso yokuphikisana neSicelo Senkantolo, isaziso kufanele futhi sihanjiswe kubameli babafakisicelo, i-Webber Wentzel ethi, 90 Rivonia Road, Sandton, 2196, noma nge-imeyili ebhekiswe ku-Kganya@webberwentzel.com , ukuze ayithoe u-Z Swanepoel / D Prinsloo. Esazisweni sakho senhloso yokuphikisa kufanele uqoke ikheli ofuna ukuthola khona iposi lakho futhi uzobe usuthola khona ezinye izaziso kanye nemibhalo esesicelweni seNkantolo, lelo kheli kufanele libe endaweni eyibanga elingamakhilomitha ayi-15 ukusuka enkantolo (“ Ikheli ”). • Sicela wazi ukuthi uma ufaka isaziso senhloso yokuphikisa ngawo noma ngaphambi komhlaka 20 Julayi 2022, kuzodingeka ukuthi ufake incwadi efungelwe yokuphendula eNkantolo eNkulu yaseNingizimu Afrika (uphiko oluseGauteng, ePitoli) ezinsukwini eziyi- 15 (zomsebenzi) zenkantolo emva kwalokho, futhi uhambise ikhophi kubameli babafakisicelo, i-Webber Wentzel Attorneys ngokwemininingwane engenhla. • Isicelo Senkantolo sizolalelwa mhla zi- 3 ku-Agasti 2022 , noma esimweni lapho wena uphikisana neSicelo Senkantolo, ngosuku oluyonqunywa iRejistri Yenkantolo Ephakeme. Abameli boMfakisicelo bazokwazisa ngalolu suku (okungukuthi usuku oluzonqunywa iRejistri Yenkantolo Ephakeme) ngokuthumela isaziso sosuku eKhelini. • Siyaphinda, uma ungasiphikisi isicelo Senkantolo, akukho odinga ukukwenza . Kwenzekani uma iNkantolo Ephakeme isigunyaza Isicelo Esilethwe enkantolo? Zizoqala nini ukusebenza izinguquko?