FAQ - Sesotho

4 • Konteraka ya inshorense ya Pukwana ya Kganya kapa konteraka ya inshorense ya Thari ya Baruti Pukana ya Kganya e tla kena tshebetsong ka la 1 Pherekgong 2023, haeba Lekgotla le Phahameng le amohela diphetoho ho botho ba hao ka la 3 Phato 2022. O tlameha ho etsang hore diphetoho ho botho ba hao di kene tshebetsong? • Letho. • Ka lebaka la diphetoho ho botho ba hao, botsamaisi ba Letsete la Ditjhelete la Ditsiane la Kganya bo tla ya Lekgotleng le Phahameng la Afrika Borwa hore le amohele diphetoho. Maiteko ohle a nkuwe ho netefatsa hore ditsiane tsa hao di dula di tshwana le hore melemo ya hao jwalo ka mojalefa wa setho e sireleditswe mme e ke ke ya ameha ka tsela e mpe ka lebaka la diphetoho tse hlokehang. Kopo ya Lekgotla ke eng? • Ele ho ka amohela diphetoho ho Letsete la Ditjhelete la Ditsiane la Kganya le ditokelo tsa hao tsa botho, balaodi ba Letsete la Ditjhelete la Ditsiane la Kganya ba tla etsa kopo ho Lekgotla le Phahameng la Afrika Borwa (Karolo ya Gauteng, Pretoria) ho latela karolo ya 13 ya Molao wa Taolo ya Thepa ya Letsete 57 wa 1988 (Trust Property Control Act 57 of 1988) (“ Kopo ya Lekgotla ”) ho amohela diphetoho. • Lekgotla le Phahameng le boetse le tla nahana ka phano e entsweng ke Sanlam mapabi le konteraka ya inshorense ya Pukwana ya Kganya le konteraka ya inshorense ya Thari ya Baruti Pukwana ya Kganya, le ditaba tsohle tse ding tse jwalo tse amanang le diphetoho tse boletsweng ho Kopo ya Lekgotla. • Lekgotla le Phahameng kahoo le tla shebisisa diphetoho ka hloko, mme le netefatse hore melemo ya hao jwalo ka mojalefa wa setho e dula e sirelleditswe. • Kopo ya Lekgotla e fanwe ho tswa ho Lekgotla le Phahameng la Afrika Borwa (Karolo ya Gauteng, Pretoria), tlasa nomoro ya kgetsi 62972/2021 . Na hona le hoo ke lokelang ho o etsa mabapi le Kopo ya Lekgotla? • Tjhe, ntle le haeba o batla ho hanana le diphetoho. • Haeba o batla ho hanana le diphetoho, o ka etsa jwalo ka ho tlatsa tsebiso ya maikemisetso a ho hanana le Kopo ya Lekgotla le Phahameng la Afrika Borwa (Karolo ya Gauteng, Pretoria) ka la kapa pele ho la 20 Phupu 2022 . • Haeba o etsa tsebiso ya morero wa ho hanana le Kopo ya Lekgotla, tsebiso e tlameha ho iswa le ho maqhwetha a mokopi, Webber Wentzel ho 90 Rivonia Road, Sandton, 2196, kapa ka imeile ho [Kganya@webberwentzel.com ], bakeng sa mahlo a Z Swanepoel / D Prinsloo. Ho tsebiso ya hao ya morero wa ho hanana o tlameha ho kgetha aterese moo o batlang ho mme o tla amohela ditsebiso tse ding le ditokomane ho Kopo ya Lekgotla, mme aterese eo e tlameha ho ba tikolong ya dikilomithara tse 15 ho tloha lekgotleng (“ Aterese ”). • Ka kopo lemoha hore haeba o etsa tsebiso ya maikemisetso a ho hanana pele kapa ka la 20 Phupu 2022, o tla tlameha hore o etse afidafiti e arabang ho Lekgotla le Phahameng la Afrika Borwa (Karolo ya Gauteng, Pretoria) nakong ya matsatsi a 15 a lekgotla (matsatsi a kgwebo) kamora moo, mme hape o ise khopi ya yona ho maqhwetha a mokopi, Webber Wentzel Attorneys ho latela dintlha tse kahodimo. • Kopo ya Lekgotla e tla mamelwa ka la 3 Phato 2022 , kapa haeba o hanana le Kopo ya Lekgotla, ka mohla o tla kgethwa ke Mongodisi wa Lekgotla le Phahameng. Maqhwetha a Mokopi a tla o tsebisa ka mohla ona (e leng, mohla o tla kgethwa ke Mongodisi wa Lekgotla le Phahameng) ka ho o romela tsebiso ya mohla oo ho Aterese. • Re pheta hape, haeba o sa hanane le Kopo ya Lekgotla, ha o wa tlameha ho etsa letho . Ho etsahalang haeba Lekgotla le Phahameng le amohela Kopo ya Lekgotla? Diphetoho di tla kena tshebetsong neng?