FAQ - Sepedi

3 • O kgopelwa go hlokomela gore ditefelo tša gago tša boleloko tša kgwedi le kgwedi di tla dula di swana ebile di ka se fetoge goba tša angwa bjalo ka ditlamorago tša diphetogo. Naa kontraka ya inšorentshe ya Pukwana ya Kganya ke eng? • Kontraka ya inšorentshe ya Pukwana ya Kganya ke pholisi ya inšorentshe yeo e thekgilwego ke Sanlam Developing Markets Limited. • Ge eba o leloko la moholegi wa Therasete ya Mašeleng a Dikholego tša Kganya, o tla amogela kontraka ya inšorentshe ya Pukwana ya Kganya go hlalosa dikholego tšeo di inšorilwego tšeo kua moragonyana di bego di rekwa ke Therasete ya Mašeleng a Dikholego tša Kganya. • Kontraka ya inšorentshe ya Pukwana ya Kganya e bopša ka dipholisi tše pedi tša inšorentshe tšeo di abiwago bjalo ka karolo ya boleloko bja gago go Therasete ya Mašeleng a Dikholego tša Kganya: o pholisi ya tša Poloko ya Pukwana ya Kganya go dikholego tša poloko; le o dikholego tša Bolwetši bjo Bošoro bja Pukwana ya Kganya le Pholisi ya Kotsi ya Motho go bolwetši bjo bošoro le kotsi ya motho. • Dikholego tšeo di amogetšwego go ya ka kontraka ya inšorentshe ya Pukwana ya Kganya di swana le dikholego tšeo di inšorilwego tšeo gabjale o di amogelago ka go šomiša Therasete ya Mašeleng a Dikholego tša Kganya. Naa Kontraka ya Thari ya Baruti Pukwana ya Kganya ke eng? • Kontraka ya inšorentshe ya Thari ya Baruti Pukwana ya Kganya ke pholisi ya inšorentshe yeo e thekgwago ke Sanlam Developing Markets Limited. • Ge eba o moetapele wa kereke ya ZCC ebile o leloko la moholegi wa Therasete ya Mašeleng a Dikholego tša Kganya, o tla amogela kontraka ya inšorentshe ya Thari ya Baruti Pukwana ya kganya go hlalosa dikholego tšeo di inšorilwego tšeo kua moragonyana di bego di rekwa ke Therasete ya Mašeleng a Dikholego tša Kganya. • Kontraka ya inšorentshe ya Thari ya Baruti Pukwana ya Kganya e bopša ka dipholisi tše pedi tša inšorentshe tšeo di abiwago bjalo ka karolo ya boleloko bja gago go Therasete ya Mašeleng a Dikholego tša Kganya: o pholisi ya tša Poloko ya Thari ya baruti Pukwana ya Kganya go dikholego tša poloko; le o pholisi ya Bolwetši bjo Bošoro le Kotsi ya Motho tša Thari ya Baruti Pukwana ya Kganya go dikholego tša bolwetši bjo bošoro le kotsi ya motho. • Dikholego tšeo di amogetšwego go ya ka kontraka ya inšorentshe ya Thari ya Baruti Pukwana ya kganya di swana le dikholego tšeo di inšorilwego tšeo gabjale o di amogelago ka go šomiša Therasete ya Mašeleng a Dikholego tša Kganya. Naa Sanlam ke mang? • Sanlam Developing Markets Limited ke moinšori wa bophelo go ya ka Molao wa 18 wa 2017 wa Di-inšorentshe, (Insurance Act, 18 of 2017), ke moabi wa ditirelo tša mašeleng yoo a dumeletšwego wa nomoro ya 11230 ya FSP ebile ke moišori yoo a tla go abela maloko a baholegi dikholego tša inšorentshe go ya le ka kontraka ya inšorentshe ya Pukwana ya Kganya le kontraka ya inšorentshe ya Thari ya Baruti Pukwana ya Kganya. Naa Sanlam e tla mpha dipholisi tša inšorentshe bjang bjalo ka leloko la moholegi? • Sanlam e diretše maloko ka moka a baholegi monyetla wa go tsenela kontraka ya inšorentshe ya Pukwana ya kganya le kontraka ya inšorentshe ya Thari ya Baruti Pukwana ya kganya.