FAQ - Sepedi

4 • Ga go na tiro yeo e nyakegago go tšwa go leloko la moholegi gore a amogele kontraka ya inšorentshe ya Pukwana ya Kganya goba kontraka ya inšorentshe ya Thari ya Baruti Pukwana ya Kganya, efela o swanetše go tšwela pele ka go lefela ditefelo tša boleloko bja gago . • Ge eba o tšwela pele ka go lefela ditefelo tša boleloko bja gago, ebile ga o kgahlanong le Kgopelo ya Kgorotsheko go ya ka fao diphetogo tša boleloko di tla dumelelwago ka gona, go tla tšewa gore o amogetše neo ya inšorentshe ka gare ga kontraka ya inšorentshe ya Pukwana ya Kganya, goba kontraka ya inšorentshe ya Thari ya Baruti Pukwana ya Kganya. • Kontraka ya gago ya inšorentshe ya Pukwana ya Kganya goba kontraka ya inšorentshe ya Thari ya baruti Pukwana ya Kganya e tla thoma go šoma ka la 1 Janaware 2023, ge eba Kgorotsheko ya Godimo e dumelela diphetogo go boleloko bja gago ka la 3 Agosetose 2022. Naa o swanetše go dira eng gore diphetogo go boleloko bja gago di thome go šoma? • Ga go selo. • Ka lebaka la diphetogo go boleloko bja gago, basepediši ba Therasete ya Mašeleng a Dikholego tša Kganya ba tla leba go Kgorotsheko ya Godimo ya Afrika Borwa gore ba dumelele diphetogo. Maiteko afe le afe a dirilwe go netefatša gore dikholego tša gago di dula di swana gomme dikgahlego tša gago bjalo ka moholegi di šireletšegile ebile di ka se amege go šoro bjalo ka ditlamorago tša diphetogo tšeo di nyakegago. Naa Kgopelo ya Kgorotsheko ke eng? • Gore go dumelelwe diphetogo, basepediši ba Therasete ya Mašeleng a Dikholego tša Kganya le ditokelo tša gago tša boleloko, basepediši ba Therasete ya Mašeleng a Dikholego tša Kganya ba tla kgopela Kgorotsheko ya Godimo ya Afrika Borwa (Sekgao sa Gauteng, Pretoria) go ya le ka karolo ya 13 ya Molao wa 57 wa 1988 wa Taolo ya Dithoto tša Therasete (Trust Property Control Act 57 of 1988) (“ Kgopelo ya Kgorotsheko ”) gore e dumelele diphetogo. • Kgorotsheko ya Godimo e tla šetša gape kabelo yeo e dirilwego ke Sanlam go ya ka kontraka ya inšorentshe ya Pukwana ya Kganya le kontraka ya inšorentshe ya Thari ya baruti Pukwana ya Kganya, le ditaba tše dingwe ka moka tša go elana le diphetogo bjalo ka ge di ngwadilwe ka gare ga Kgopelo ya Kgorotsheko. • Kgorotsheko ya Godimo ka go realo e tla šetša diphetogo ka tlhoko, gomme ya netefatša gore dikgahlego tša gago bjalo ka moholegi di dula di šireletšegile. • Kgopelo ya Kgorotsheko e ntšhitšwe go tšwa go Kgorotsheko ya Godimo ya Afrika Borwa (Sekgao sa Gauteng Pretoria) ka fase ga nomoro ya molato wa 62972/2021 . Aa e ka ba ke swanetše go dira selo se itšego go ya ka Kgopelo ya Kgorotsheko? • Aowa, ntle le ge eba o nyaka go ganetša diphetogo. • Ge eba o nyaka go ganetša diphetogo, o ka dira bjalo ka go tlatša tsebišo ya maikemišetšo a go ganetša Kgopelo ya Kgorotsheko go la Kgorotsheko ya Godimo ya Afrika Borwa (Sekgao sa Gauteng, Pretoria) ka letšatšikgwedi la 20 Julae 2022 goba pele ga lona. • Ge eba o bega tsebišo ya maikemišetšo a go ganetša Kgopelo ya Kgorotsheko, tsebišo e swanetše go išwa gape go boramolao ba bakgopedi, Webber Wentzel kua 90 Rivonia Road, Sandton, 2196, goba ka imeile go [Kganya@webberwentzel.com ], e ngwalelwe, Z Swanepoel/ D Prinslooo. Ka gare ga tsebišo ya gago ya maikemišetšo a go ganetša, o swanetše go kgetha aterese fao o nyakago ebile o tla amogelago ditsebišo tše dingwe le dingwalwa ka gare ga Kgopelo ya Kgorotsheko, fao aterese e swanetšego go ba ka gare ga sedikiši sa dikilometara tše 15 go tloga go kgorotsheko (“ Aterese ”). • O kgopelwa go hlokomela gore ge eba o bega tsebišo ya maikemišetšo a go ganetša ka la 20 Julae 2022 goba pele ga fao, o tla swanelwa ke go bega abitabithi ya go araba go la Kgorotsheko ya Godimo ya Afrika Borwa (Sekgao sa Gauteng, Pretoria) mo nakong ya