2022 Communications Flyer SP

• Ka gona Therasete e ka se sa kgona go aba le/ goba rekišetšana dikholego tšeo di inšorilwego go šomišwa dipholisi tša dihlopha. Le ge go le bjalo, dikholego tša gago tšeo di inšorilwego di ka setimele nako ye diphetogo di tsenywa tirišong. • Nako ye diphetogo di tsentšwe tirišong, tše di latelago di swanetše go lemogwa: o Bjalo ka leloko la moholegi o tla amogela kontraka ya inšorentshe ya Pukwana ya Kganya (goba Kontraka ya Thari ya Baruti Pukwana ya Kganya mo mabakeng a maloko a komiti ao e lego maloko a dikholego), ge di kopantšhwe ka mo di bitšwa “ kontraka ya inšorentshe ya Pukwana ya Kganya ”, yeo e thekgwago ke Sanlam ka mašeleng go dikholego tšeo di inšorilwego tša go swana, tšeo kua moragonyana di bego di rekilwe ke Therasete go ya le ka dipholisi tša dihlopha. Mabaka le dipeelano tša kontraka ya inšorentshe ya Pukwana ya Kganya, di swanetše go šetšwa ka tlhoko ka ge di fapana le mabaka le dipeelano tša Therasete. o Ka gona diphetogo go Therasete le melawana ya therasete e tla fetoša fela tsela yeo ka yona maloko a baholegi a na le phihlelelo go dikholego tšeo di inšorilwego, e lego seo e tla bago ka go bea dikholego tšeo di tsebegago legatong, tšeo ba ipshinago ka tšona gabjalo ka go šomiša Therasete le dipholisi tša go fapafapana tša inšorentshe i) tokelo yeo e beilwego kgahlanong le Therasete ya tefelo ya ditefo tša kgedi le kgwedi: le ii) tokelo ya kgahlanong le Sanlam go ya ka mabaka a kontraka ya inšorentshe ya Pukwana ya Kganya go dikholego tšeo di inšorilwego. o Bjalo ka leloko la dikholego, tshepa gore Therasere e tla lefela ditefelo go Sanlam ge fela wena o lefela ditefelo tša gago tša boleloko tša kgwedi le kgwedi go Therasete. O kgopelwa go hlokomela gore : Ge eba ga o lefele ditefelo tša gago tša boleloko go Therasete, Therasete e ka se lefele ditefelo go ya ka mabaka a kontraka ya gago ya Pukwana ya Kganya go Sanlam, gomme o ka lahlegelwa ke dikholego tša gago tše bohlokwa tša intšorentshe. o Ka go amogela kontraka ya inšorentshe ya Pukwana ya Kganya, ge eba o na le kleime ya kholego efe goba efe yeo e inšorilwego, o swanetše go kleima kgahlanong le Sanlam. Le ge go le bjalo kleime ya gago e tla bay a nnete fela ge eba o fihlelela mabaka le dipeelano tša kontraka ya inšorentshe ya Pukwana ya Kganya. Se se hloka gore wena o swanetše go lefela ditefelo tša gago tša boleloko tša kgwedi le kgwedi go Therasete, magareng ga dilo tše dingwe. o Balaodi ba Inšorentshe ya Kganya (RF) Proprietary Limited (“ KIA ”) ba tla tšwela pele go sepediša dikholego tšeo di inšorilwego. Se se hlalosa gore go ka se sa ba le phapano go tsela yeo dikleime tša dikholego tšeo di inšorilwego di sepetšwago ka gona. o O kgopelwa go hlokomela gore kontraka ya inšorentshe ya Pukwana ya Kganya e tla bopša ka dipholisi tše pedi tša inšorentshe tšeo di abiwago bjalo ka karolo ya ya gago ya boleloko go Therasete: - Pholisi ya Poloko ya Pukwana ya Kganya (goba Pholisi ya Poloko ya Baruti Pukwana ya Kganya mo mabakeng ao maloko a komiti ya kereke ao e lego maloko a dikholego) go dikholego tša poloko; le - Pholisi ya Bolwetši bjo Bošoro le Kotsi ya Motho ya Pukwana ya Kganya (goba Pholisi ya Kotsi ya Motho le Bolwetši bjo Bošoro ya Thari ya Baruti Pukwana ya Kganya mo mabakeng ao maloko a komiti ya kereke ao e lego maloko a dikholego) go dikholego tša bolwetši bjo bošoro le tša kotsi ya motho. Dikholego tše dingwe tša maloko ka Therasete nako ye diphetogo di tsentšwe tirišong • Therasete e tla dira meneelo go ZCC legatong la maloko a baholegi, go tšwa go ditefelo tša gago tša boleloko tša kgwedi le kgwedi. • Therasete e tla tšwela pele ka go aba le/ goba go rekišetšana phihlelelo go dikholego tšeo di sego tša inšoriwa, e ka ba dikholego tša Leeto la Moria, tša thušo ya ge o šaretšwe o le ka thoko ga tsela tša tshepedišo ya tša poloko le dikholego tša tekolo ya maphelo ye botse (mo mabakeng a maloko a komiti ya kereke ao e lego maloko a dikholego) ka tsela ya go swana thwii. Naa Kgopelo ya Kgorotsheko ke eng? • Kgopelo ya Kgorotsheko ke tshepedišo yeo ka yona Therasete e tla fetošago melao ya yona ya therasete le melawana ya Therasete ntle le tumelelo go tšwa go maloko a baholegi bjalo ka baholegi bao ba tsebegago ba Therasete, ka tumelelo ya Kgorotsheko ya Godimo ya Afrika Borwa (Sekgao sa Gauteng, Pretoria). Kgorotsheko ya Godimo e tla šetša gape kabelo ka Sanlam go ya ka kontraka ya inšorentshe ya Pukwana ya Kganya, le ditaba tše dingwe ka moka tša go swana le tšeo tša go tswalana le diphetogo bjalo ka ge di ngwadilwe ka gare ga Kgopelo ya Kgorotsheko. • Kgopelo ya Kgorotsheko e ntšhitšwe go tšwa go Kgorotsheko ya Godimo ya Afrika Borwa (Sekgao sa Gauteng Pretoria) ka fase ga nomoro ya molato wa 62972/2021.