2022 Communications Flyer SP

• Ge eba o nyaka go ganetša diphetogo, o ka dira bjalo ka go tlatša tsebišo ya maikemišetšo a go ganetša Kgopelo ya Kgorotsheko go la Kgorotsheko ya Godimo ya Afrika Borwa (Sekgao sa Gauteng, Pretoria) ka letšatšikgwedi la 20 Julae 2022 goba pele ga lona. • Ge eba o bega tsebišo ya maikemišetšo a go ganetša Kgopelo ya Kgorotsheko, tsebišo e swanetše go išwa gape go boramolao ba bakgopedi, Webber Wentzel kua 90 Rivonia Road, Sandton, 2196, goba ka imeile go Kganya@webberwentzel.com , e ngwalelwe, Z Swanepoel/ D Prinslooo. Ka gare ga tsebišo ya gago ya maikemišetšo a go ganetša, o swanetše go kgetha aterese fao o nyakago ebile o tla amogelago ditsebišo tše dingwe le dingwalwa ka gare ga Kgopelo ya Kgorotsheko, fao aterese e swanetšego go ba ka gare ga sedikiši sa dikilometara tše 15 go tloga go kgorotsheko (“Aterese”). • O kgopelwa go hlokomela gore ge eba o bega tsebišo ya maikemišetšo a go ganetša ka la 20 Julae 2022 goba pele ga fao, o tla swanelwa ke go bega abitabithi ya go araba go la Kgorotsheko ya Godimo ya Afrika Borwa (Sekgao sa Gauteng, Pretoria) mo nakong ya matšatši a 15 a tsheko (matšatši a mošomo)morago ga fao, mme wa fihliša gape khopi ya seo go boramolao ba mokgopedi, Webber Wentzel Attorneys go ya ka dintlha tša mo godimo. • Kgopelo ya Kgorotsheko e tla theeletšwa ka la 3 Agosetose 2022, goba mo tiragalong yeo wena o o ganetšago Kgopelo ya Kgorotsheko, mo go letšatšikgwedi leo le tla kgethwago ke Mongwadiši wa Kgorotsheko ya Godimo. Boramolao ba Mokgopedi ba tla go tsebiša ka letšatšikgwedi le (go ra gore, letšatšikgwedi leo le swanetšego go kgethwa ke Mongwadiši wa Kgorotsheko ya Godimo) ka go romela tsebišo ya letšatšikgwedi mo Atereseng. • Ge eba ga o ganetše Kgopelo ya Kgorotsheko, ga se wa swanela go dira selo sefe goba sefe . Naa go direga eng ge eba Kgorotsheko ya Godimo e dumelela Kgopelo ya Kgorotsheko? Naa diphetogo di tla tsenywa tirišong neng? • Ge eba Kgorotsheko ya Godimo e dumelela Kgopelo ya Kgorotsheko, diphetogo di tla thoma go šomišwa go tloga go 1 Janaware 2023 (“ Letšatšikgwedi la go Thoma go šomišwa ”): • Se se hlalosa gore ka Letšatšikgwedi la go thoma go šomišwa, Gore: o Maloko ka moka a baholegi a tla tšwela pele ka go ba maloko a Therasete. o Maloko ka moka a baholegi a tla amogela kontraka ya inšorentshe ya Pukwana ya Kganya yeo e tla abago dikholego tšeo di inšorilwego. Kontraka ya inšorentshe ya Pukwana ya Kganya e tla thekgwa ke Sanlam ka mašeleng. o Maloko ka moka a baholegi a swanetše go tšwela pele ka go lefela ditefelo tša wona tša boleloko go Therasete. o Therasete, go tšwa go ditefelo tša boleloko e tla – - lefela ditefelo go Sanlam go ya le ka kontraka ya inšorentshe ya Pukwana ya Kganya e lefela maloko ka moka a baholegi ao a lefetšego ditefelo tša wona tša boleloko; - dira meneelo go ZCC; - aba le/ goba go rekišetšana dikholego Leeto la Moria, tša thušo ya ge o šaretšwe o le ka thoko ga tsela tša tshepedišo ya tša poloko; le dikholego tša tekolo ya maphelo ye botse (mo mabakeng a maloko a komiti ya kereke ao e lego maloko a dikholego) le - aba phihlelelo go dikholego tše dingwe tša go se gapeletšege le tša go godiša maloko a Therasete le Kereke ya ZCC. Naa Sanlam ke mang? • Sanlam ke moinšori wa bophelo yoo a filwego laesentshe go ya le ka Molao wa 18 wa 2017 wa Inšorentshe (Insurance Act, 18 of 2017), ke moabi wa ditirelo tša mašeleng yoo a dumeletšwego wa nomoro ya 11230 ya FSP ebile ke moišori yoo a tla go abela maloko a baholegi dikholego tša inšorentshe go ya le ka kontraka ya inšorentshe ya Pukwana ya Kganya. Naa Sanlam e tla aba dipholisi tše diswa tša inšorentshe tša batho tša go hlama karolo ya kontraka ya inšorentshe ya Pukwana ya Kganya go maloko a baholegi? • Mo Sanlam e go abela neo bjalo ka leloko la moholegi gore o tsene ka gare ga kontraka ya inšorentshe ya Pukwana ya Kganya. • Ga go na tiro yeo e nyakegago go tšwa go wena gore o amogele contraka ya inšorentshe ya Pukwana ya Kganya, efela o swanetše go tšwela pele ka go lefela ditefelo tša gago tša boleloko.