FAQ - siSwati

4 • Uma ngabe uchubeka ukhokhela imali yebulunga, futsi ungaphikisani neSicelo Senkantolo, kutawutsatfwa ngekutsi wamukele lesicelo sekuba nemshwalense kukontileka yemshwalense yePukwana ya Kganya nekontileka yemshwalense weThari ya baruti Pukwana ya Kganya utawucala kusebenta Ngelusuku Lolufanele. • Ikontileka yakho yemshwalense wePukwana ya Kganya noma ikontileka yemshwalense weThari ya Baruti Pukwana ya Kganya utawucala kusebenta ngamhla lu-1 Bhimbidvwane 2023, uma ngabe Inkhantolo Lephakeme ivumela letingucuko ngamhla ti-3 Ingci 2022. Yini lekufanele uyente ngaletingucuko kute kutsi bulunga bakho buchubeke busebente? • Lutfo. • Ngenca yetingucuko kulobulunga bakho, lamalunga eSikhwama Semali Yetinzuzo seKganya atawuya eNkhantolo Lephakeme eNingizimu Afrika iyovumela letingucuko. Yonkhe imitamo yentiwe kucinisekisa kutsi tinzuzo takho tihlala tinjalo nentalo yakho njengelilunga lelizuzako kuvikelekile kantsi angeke kube nemtselela lomubi ngenca yaletingucuko letidzingekako. Siyini Sicelo Senkantolo? • Kute kutsi kuvumeleke letingucuko kuleSikhwama Semali Yetinzuzo seKganya nemalungelo ebulunga bakho, emalunga eSikhwama Semali Yetinzuzo seKganya atawufaka sicelo eNkantolo Lephakeme yaseNingizimu Afrika (Indzawo yaseGauteng, ePitoli) ngekuya ngesigaba 13 seMtsetfo Wekulawulwa Kwemphahla Yesikhwama 57 wanga 1988 (Trust Property Control Act 57 of 1988) (" Sicelo seNkantolo kute ”) kuvumeleke letingucuko. • Inkantolo Lephakeme nayo itawunaka lesicelo lesentiwe bakaSanlam ngekuhambisana nesivumelwano semshwalense wePukwana ya Kganya nekontileka yeThari ya Baruti Pukwana ya Kganya, nako konkhe lokunye lokuphatselene naletingucuko njengoba tivetwe kuleSicelo lesifakwe eNkantolo. • Inkantolo Lephakeme itawubese itsatsa ngekunakekela letingucuko, nekucinisekisa kutsi tinshisekelo takho njengelilunga tinzuzo takho tivikelekile. • Lesicelo Senkantolo siniketwe sivela eNkantolo Lephakeme yaseNingizimu Afrika (Sigodzi saseGauteng, ePitoli), ngaphansi kwenombolo yelicala 62972/2021 . Ngabe kukhona lekufanele ngikwente ngekwaleSicelo Senkantolo? • Cha, ngaphandle kwekutsi ufuna kungavumelani naletingucuko. • Uma ngabe ufuna kuphikisa letingucuko, ungakwenta loko ngekufaka satiso senhloso yekuphikisa Sicelo seNkantolo Lephakeme eNingizimu Afrika (eNdzaweni yaseGauteng, ePitoli) nga noma ngembi kwamhlaka 20 Kholwane-2022 . • Uma ngabe ufaka sstiso sekuhlosa kuphikisa Sicelo Senkantolo, lesatiso kutawufanele setfulwe kubammeli balofake sicelo, Webber Wentzel e90 Rivonia Road, Sandton, 2196, noma nge-imeyili ku Kganya@webberwentzel.com, ucondzise ku Z Swanepoel / D Prinsloo. Uma ngabe unenhloso yekuphikisa kutawufanele ube nelikheli lapho utawufuna kutfola khona tatiso takho ngalokutako netincwadzi ngalesicelo Senkantolo, lelo likheli kufanele kutsi lingabi khashane kundlula emakhilomitha lali-15 nalapho inkantolo ikhona (“ likheli ”). • Sicela wati kutsi uma kwenteka ufaka satiso sekufuna kuphikisa ngamhlaka noma ngembi kwa 20 Kholwane 2022, kutawufanele kutsi ufake incwadzi yebufakazi betimphendvulo eNkantolo Lephakeme eNingizimu Afrika (eNdzaweni yaseGauteng, ePitori) kungakapheli emalanga lali- 15 (ekusebenta) enkantolo emva kwaloko, kubuye kuhanjiswe ikhophi kanjalo nakubameli balofake sicelo, baMmeli baka Webber Wentzel njengekwelikheli lelingenhla. • Lesicelo Senkantolo sitawulalelwa ngamhlaka 3 Ingci 2022 , noma uma ngabe kwenteka uphikisana naLesicelo Senkantolo, ngelusuku lolutawuncunywa nguNobhala weNkantolo lephakeme. Labammeli Balofake Sicelo batakwatisa ngalolusuku (k.k. lusuku lolutawuncunywa nguNobhala weNkantolo lephakeme) ngekutfumela satiso salolusuku kuleLikheli.