2022 Communications Flyer SS

• Lesicelo Senkantolo siniketwe sivela eNkantolo Lephakeme yaseNingizimu Afrika (Sigodzi saseGauteng, ePitoli), ngaphansi kwenombolo yelicala 62972/2021. • Uma ngabe ufuna kuphikisa letingucuko, ungakwenta loko ngekufaka satiso senhloso yekuphikisa Sicelo seNkantolo Lephakeme eNingizimu Afrika (eNdzaweni yaseGauteng, ePitoli) nga noma ngembi kwamhlaka 20 Kholwane-2022. • Uma ufaka sicelo sekufuna kuphikisa Sicelo Senkantolo, lesatiso kufanele naso setfulwe kubameli balona lofake sicelo, Webber Wentzel ku 90 Rivonia Road, Sandton, 2196, noma nge-imeyili sicondziswe ku Kganya@webberwentzel.com , Z Swanepoel / D Prinsloo. Kulesatiso sakho sekuhlosa kuphikisa kufanele ufake likheli lapho khona utawufuna kutfola tatiso takho ngalokutako netincwadzi ngaleSicelo Senkantolo, lelo likheli kufanele kutsi lingabi khashane kundlula emakhilomitha lali-15 nalapho inkantolo ikhona (“likheli”). • Sicela wati kutsi uma kwenteka ufaka satiso sekufuna kuphikisa ngamhlaka noma ngembi kwa 20 Kholwane 2022, kutawufanele kutsi ufake incwadzi yebufakazi betimphendvulo eNkantolo Lephakeme eNingizimu Afrika (eNdzaweni yaseGauteng, ePitori) kungakapheli emalanga lali-15 (ekusebenta) enkantolo emva kwaloko, kubuye kuhanjiswe ikhophi kanjalo nakubameli balofake sicelo, baMmeli baka Webber Wentzel njengekwelikheli lelingenhla. • Lesicelo Senkantolo sitawulalelwa ngamhlaka 3 Ingci 2022, noma uma ngabe kwenteka uphikisana naLesicelo Senkantolo, ngelusuku lolutawuncunywa nguNobhala weNkantolo lephakeme. Labammeli Balofake Sicelo batakwatisa ngalolusuku (k.k. lusuku lolutawuncunywa nguNobhala weNkantolo lephakeme) ngekutfumela satiso salolusuku kuleLikheli. • Uma ngabe ungasiphikisi Lesicelo seNkantolo, akukafaneli wente lutfo . Kutawentekani uma ngabe Inkantolo Lephakeme ivumela Lesicelo Semkantolo? • Uma Inkantolo Lephakeme ivumela Sicelo Senkantolo, letingucuko titawucala kusebenta kusukela 1 January 2023 (" Lusuku Lwekusebenta "). • Loku kusho kutsi, ngaloLusuku Lwekucala kusebenta, kusho kutsi: o Onkhe emalunga lazuzako atawuchubeka kuba ngemalunga aleSikhwama. o Onkhe emalunga lazuzako atawutfola ikontileka yemshwalense wePukwana ya Kganya lotawuniketa letinzuzo letikhaviwe. Lekontileka yemshwalense yePukwana ya Kganya itawulawulwa bakaSanlam. o Onkhe emalunga lazuzako kufanele achubeke nekukhokha imali yabo yebualunga. o LeSikhwama, kuletimali letifakwe ngemalunga sitawu – - khokhela lemali yenyanga kaSanlam ngekuhambisana nekontileka yemshwalense wePukwana ya Kganya kwentela tonkhe tinzuzo tawo onkhe emalunga lakhokhele tinzuzo tawo tebulunga; - wenta umnikelo kuZCC; - nikela kanye/noma kutfola tinzuzo teLeeto la Moria, lusito nawulinyalelwe yimoto endleleni netinzuzo tekulawula umgcwabo netinzuzo tekuhlolelwa imphilo lekahle (ngalokuphatselene nelikomidi lemalunga elisontfo langemalunga lazuzako); ne - kutfola kufinyelela lokusetjentiswako nekunyuselwa tinzuzo temalunga aleSikhwama neLibandla leZCC. Iyini iSanlam? • ISanlam ngumshwalense wetemphilo lonelayisensi ngekuhambisana Nemtsetfo Wemshwalense, 18 wanga 2017 (Insurance Act, 18 of 2017), umphakeli ngetinsita tetimali ngalokusemtsetfweni lebhaliswe ngeFSP 11230 kantsi ngulonemshwalense lotawuniketa emalunga tinzuzo ngetinzuzo temshwalense ngekuhambisana nekontileka yemshwalense wePukwana ya Kganya. Ngabe iSanlam itawaniketa njani emapholisi emuntfu ngamunye latawuba yincenye yekontileka yemshwalense yePukwana ya Kganya kulamalunga lazuzako? • ISanlam itawutsandza kwenta siphakamiso kuwe lilunga lelinetinzuzo kutsi ungenele kulekontileka yemshwalense wePukwana ya Kganya. • Akudzingeki mnyakato kuwe kutsi wamukele ikontileka yemshwalense wePukwana ya Kganya kodvwa kufanele uchubeke nekukhokhela imali yebulungax. • Uma ngabe uchubeka ukhokhela imali yebulunga, futsi ungaphikisani neSicelo Senkantolo, kutawutsatfwa ngekutsi wamukele lesicelo sekuba nemshwalense kukontileka yemshwalense yePukwana ya Kganya nekontileka yemshwalense yePukwana ya Kganya utawucala kusebenta Ngelusuku Lolufanele.