2022 Communications Flyer SS

• LeSikhwama angeke sisakhona kukunika kanye/noma kutfolela letinzuzo talomshwalense ngekusebentisa lamapholisi alamacembu. Noma kunjalo, letinzuzo takho talomshwalense angeke tilahleke uma ngabe kwentiwa letingucuko . • Uma ngabe letingucuko setentiwe, lolokuladzelako kufanele kunakwe: o Njengelilunga lelizuzako utawutfola inkotileka yemshwalense yePukwana ya Kganya (noma Sivumelwano seThari ya Baruti Pukwana ya Kganya uma ngabe kukhona emalunga ekomidi lekufanele azuze), njengoba lapha ibitwa ngalokufanako “ ngesivumelwano semshwalense wePukwana ya Kganya ”, lelawulwa bakaSanlam, nekutsi utawuba ngumnikati wepholisi yaka Sanlam kutfola letinzuzo lebewuvele unato ngaphambilini letivela kuleSikhwama ngekuhambisana naletinchubomgomo talamacembu. Lemigomo nemibandzela yekontileka yemshwalense yePukwana ya Kganya atomele anakwe ngekucophelela njengoba ahlukile kulemigomo nemibandzela yaleSikhwama. o Lokuchitjiyelwa kuleSikhwama nemitsetfosimiso yaleSikhwama ngako itawugucula indlela emalunga lazuzako afinyelela ngakhona kutinzuzo, lekutawungeta esikhundleni setinzuzo lekwamanje titfokotelwa nguleSikhwama naleminye imishwalense i) lilungelo leliniketiwe lelimelene neSikhwama kutsi sikhokhele emaphrimuyamu; kanye ii) nelilungelo lelimelene neSanlam lelihambisana nesivumelwano semshwalense wePukwana ya Kganya letimele letawuniketwa yiSanlam. o Njengelilunga lelizuzako, ungaciniseka kwekutsi leSikhwama sitawukhokhela iSanlam lemali yanjalo ngenyanga yebulunga, umawucinisekisa kutsi uyayikhokhela imali yakho yanjalo ngenyanga yebulunga kuleSikhwama. Sicela wati : Uma ngabe ungayikhokheli imali yakho yebulunga kuleSikhwama, Lesikhwama angeke sikukhokhele imali yanjalo ngenyanga yekontileka yePukwana ya Kganya kaSanlam kantsi letinzuzo takho letibalulekile temshwalense titawulahleka kuletinzuzo talomshwalense. o Ngekutfola ikontileka yemshwalense wePukwana ya Kganyauma ngabe kufanele ufake ikleyimu yanoma tiphi tinzuzo lonato, kutawufanele ukleyime kaSanlam. Ikleyimu yakho ngalokunjalo itawuba ngulefanele uma ngabe uhambisana nemigomo nemibandzela yekontileka yemshwalense wePukwana ya Kganya. Loku kudzinga, kulokunye, kwekutsi ukhokhe imali yebulunga njalo ngenyanga kuleSikhwama. o IKganya Insurance Administrators (RF) Proprietary Limited (" iKIA ") batawuchubeka balawule letinzuzo letikhaviwe. Loku kusho kutsi angeke kube nemehluko ngalendlela emakleyimu etinzuzo letinalomshwalense lekufanele tiphatfwe ngayo. o Yati kutsi lekontileka yemshwalense yePukwana ya Kganya itawuba nemapholisi emshwalense lamabili loniketwa wona njengencenye yebulunga bakho kuleSikhwama: - iPukwana ya Kganya Yiphilisi yemgcwabo leyentelwe tinzuzo temgcwabo (noma Thari yaBaruti Pukwana ya Kganya Yetifo letingalapheki nePholisi Yakho Yengoti uma ngabe kuphatselene nemalunga elikomidi lelisontfo langemalunga lazuzako); kanye - iPukwana ya Kganya Yetifo letingalapheki nePholisi Yekutfola Ingoti (noma Thari yaBaruti Pukwana ya Kganya Yetifo letingalapheki nePholisi Yakho Yengoti uma ngabe kuphatselene nemalunga elikomidi lelisontfo langemalunga lazuzako) yetifo letingalapheki netinzuzo tekutfola ingoti. Letinye tinzuzo tebulunga kuleSikhwama uma ngabe kwentiwa letingucuko • LeSikhwama singa, kulemali loyikhipha njalo ngenyanga, faka umnikelo kaZCC ngekwakho njengelilunga lelizuzako. • LeSikhwama sitawuchubeka kukuniketa kanye/noma kutfola kufinyelela kuletinzuzo letingenamshwalensi, leto kutawuba tinzuzo teLeeto la Moria, tinzuzo tekusitwa nawulinyalelwe yimoto endleleni tinzuzo tekulawula temingcwabo netinzuzo tekuhlolelwa imphilo lekahle (ngalokuphatselene nelikomidi lemalunga elisontfo langemalunga lazuzako ngendlela lefana ncamashi. Siyini Sicelo Senkantolo? • Sicelo Senkantolo siyinchubo lapho khona leSikhwama sitawuchubiyela ematayitela esikhwama nemitsetfosimiso yaleSikhwama ngaphandle kwemvume yelilunga lelizuzako njengemalunga lanebuniyo kulesikhwama, ngesivumelwano seNkantolo Lephakeme yaseNingizimu Afrika (eNdzaweni yaseGauteng, ePitoli) Inkantolo Lephakeme nayo itawunaka lesicelo lesentiwe bakaSanlam ngekuhambisana nesivumelwano semshwalense wePukwana ya Kganya, nako konkhe lokunye lokuphatselene naletingucuko njengoba tivetwe kuleSicelo lesifakwe eNkantolo.