FAQ Xitsonga

6 Leswi swi vula ku, kusukela hi 1 Sunguti 2023 leswaku u ta va ni swibukwana swimbirhi, ku va,– o milawu ni swipimelo swa xibukwana lexintshwa; ni o buku ya wena ya vuxirho leyi nga kona, leyi yi nga ta ya emahlweni yi tirhisiwa tanihi xibukwana xa tirhasiti ta tihakelo ku kondza ku fika nkarhi lowu u nga ta lava xibukwana lexintshwa kumbe ku siva xibukwana xa rhasiti ya tihakelo. Xana hi kwihi u nga kumaka vuxokoxoko hi xitalo? U komberiwa ku tihlanganisa ni hofisi ya tinqgingho ya KIA eka 0800 000 538 loko u lava vuxokoxoko bya Xikombelo xa Khoto hi xitalo, muxaka ni matshalatshala ya ku cinca loku bumabumeriweke eka xitsariwaximfumo xa nhlangano ni milawu ni swipimelo swa kontiraka ya ndzindzakhombo ya Pukwana ya Kganya ni ya kontiraka ya ndzindzakhombo ya Thari ya Baruti Pukwana ya Kganya yi ta humesiwa hi Sanlam. Nakambe, u komberiwa ku lemuka leswaku khopi ya Xikombelo xa Khoto, leswi katsaka xitsariwaximfumo xa nhlangano lexi nga antswisiwa, koyi ya vuxirho hi ku ya hi milawu ni swipimelo swa xibukwana ni ku ya hi milawu ni swipimelo swa kontiraka ya ndzindzakhombo ya Pukwana ya Kganya, kun’we ni matsalwa man’wana ya nkoka, na swona swi ta kumeka ku kamberiwa eka senthara ya wena ya vukorhokeri ya le kusuhi ya KIA na le ka webusayiti ya KIA eka www.mykganya.com. Vuxokoxoko bya tindhawu ta tisenthara ta vukorhokeri bya KIA byi nga ha kumeka eka www.mykganya.com . Ku seketela hi ZCC U komberiwa ku tekela enhlokweni leswaku Muchaviseki Mufundhisi Mubixopo Dkt B E Lekganyane: o u ta seketela ku cinca eka Nkwama wa Mali ya Mivuyelo wa Kganya ni swinawana swa Nkwama wa Mali ya Mivuyelo wa Kganya; ni o ku seketela hi xitalo vumbhoni bya Sanlam tanihi muhakeleri wa mivuyelo ya ndzindzakhombo leyi endlaka ku nyiko yi va kona eka wena hi ku ya hi kontiraka ya ndzindzakhombo ya Pukwana ya Kganya ni kontiraka ya ndzindzakhombo ya Thari ya Baruti Pukwana ya Kganya. Hinkwavo vavuyeriwaxidzi va tshembisiwa leswaku mivuyelo leyi sweswi yi nyikiweke eka vona hi Nkwama wa Mali ya Mivuyelo wa Kganya yi ta tshama yi sirheleriwile.