FAQ Xitsonga

5 bohiwa hi Munhu loyi a tirhanaka ni tirhekhodo ta khoto eka Khoto ya le Henhla) hi ku rhumela xitiviso xa siku eka Ndhawu leyi u kumekaka kona. Ha engeta, loko u nga kaneti Xikombelo xa Khoto, a wu fanelangi ku endla xin’wana . Xana ku humelela yini loko Khoto ya le Henhla yi amukela Xikombelo xa Khoto? Xana ku cinca swi ta sungula ku tirha rini? Loko Khoto ya le Henhla yi amukela Xikombelo xa Khoto, ku cinca ku ta endliwa kusukela hi 1 Sungula 2023 (“ Siku ro Sungula ku Tirha ”). Loko ku cinca eka vuxirho swi sungula ku tirha, xana ku ta humelela yini? Vavuyeriwaxidzi hinkwavo va ta ya emahlweni ku va swirho swa Nkwama wa Mali ya Mivuyelo wa Kganya. Vavuyeriwaxidzi hinkwavo va ta kuma kontiraka ya ndzindzakhombo ya Pukwana ya Kganya kumbe kontiraka ya ndzindzakhombo ya Thari ya Baruti ya Kganya, leyi nga ta nyika mivuyelo ya ndzindzakhombo, yi hakeleriwa hi Sanlam. Hinkwavo vavuyeriwaxidzi va fanele ku ya emahlweni va hakela mali ya vona ya vuxirho. Nkwama wa Mali ya Mivuyelo wa Kganya wu ta ya emahlweni, kusuka eka mali ya xirhundzu ya vuxirho – o wu hakela mali ya xitolomente eka Sanlam hi ku ya hi kontiraka ya ndzindzakhombo ya Pukwana ya Kganya ni kontiraka ya Thari ya Baruti ya Kganya ya vavuyeriwaxidzi hinkwavo lava hakeleleke mali ya vona ya xirhundzu ya vuxirho; o endla nyikelo ya mali eka ZCC; o nyika ni/kumbe ku kuma mivuyelo ya Leeto la Moria, mivuyelo ya mpfuneto ya le tlhelo ka gondzo ni mivuyelo ya mafambiselo ya swa nkosi; ni mivuyelo ya maahlulelo ya rihanyu lerinene (eka mhaka ya swirho swa komiti ya kereke leswi nga vavuyeriwaxidzi); ni o ku nyika mfikelelo eka vuonhi byin’wana bya maendlelo ni ku tlakusa mivuyelo ya swirho swa Nkwama wa Mali ya Mivuyelo wa Kganya ni Kereke ya ZCC. Xana xibukwana wa wena xa vuxirho xi ta cinca hikokwalaho ka mhaka yo cinca? Loko Khoto ya le Henhla yi amukela Xikombelo xa Khoto, u ta kuma xibukwana lexintshwa xa vuxirho xa milawu ni swipimelo lexi tirhanaka ni timfanelo ta wena ta vuxirho naswona tanihi vumbhoni bya vuxirho bya wena eka Nkwama wa Mali ya Mivuyelo wa Kganya. Milawu ni swipimelo swa xibukwana xa vuxirho bya wena lebyintshwa byi ta sungula ku tirha ku sukela 1 Sunguti 2023. Milawu ni swipimelo swa xibukwana xa vuxirho bya wena lebyintshwa byi ta siva milawu ni swipimelo swa vuxirho eka Nkwama wa Mali ya Mivuyelo wa Kganya ku sukela Siku ro Sungula ku Tirha. Milawu ni swipimelo swa xibukwana xa vuxirho bya wena lebyintshwa byi ta nyikiwa swirho hinkwaswo leswi nga xiphemu xa vavuyeriwaxidzi mahala . U nga cukumeti buku ya wena ya vuxirho leyi nga kona tanihileswi buku ya wena ya vuxirho leyi nga kona yi nga ta ya emahlweni yi tirha tanihi xibukwana xa tirhasiti to hakela kasi hi tlhelo tirhasiti hinkwato ti ta rhekhodiwa. Buku ya wena ya vuxirho leyi nga kona na yona yi ta tama yi tirha hi ku ya hi vuxokoxoko lebyi nga eka Fomo ya MPP ni/kumbe Fomo ya AMPP; vuxokoxoko byin’wana ni byin’wana bya Tirhasiti ta Leeto la Moria; ni vuxokoxoko byin’wana ni byin’wana bya vana lava va nga si ku tiyimelaka. Loko buku ya wena ya vuxirho leyi nga kona yi tele, kumbe yi lahlekile, u ta nyikiwa xibukwana lexintshwa xo hakela xa rhasiti hi ku ya hi mali ya hakelo ya ntolovelo.