FAQ - Tshivenda

4 • Pukwana ya Kganya insurance contract kana Thari ya Baruti Pukwana ya Kganya insurance contract yavho i ḓo thoma u shuma nga ḽa 1 Phando 2023, arali Khothe Khulwane ya ṱanganedza tshanduko kha u vha havho muraḓo nga ḽa 3 Ṱhangule 2022. Vha tea u ita mini uri tshanduko kha u vha havho muraḓo dzi thome u shuma? • A hu na tshine vha tea u ita. • Nga ṅwambo wa tshanduko kha u vha havho muraḓo, vhaimeli vha Kganya Benefits Fund Trust vha ḓo ya Khothe Khulwane ya Afurika Tshipembe uri i ṱanganedze dzenedzi tshanduko. Ho itwa vhuḓidini vhuhulwane u ita vhungoho ha uri hu sa shandulwe mbuyelo na nzwalelo dzavho samusi vhone sa muraḓo wa muvhuyelwa vho tsireledzwa nahone vha nga si kwamee nga nḓila i si yavhuḓi nga tshanduko dzi ṱoḓeaho. Khumbelo ya Khothe ndi mini? • Uri hu ṱanganedzwe tshanduko, miraḓo ya Kganya Benefits Fund Trust na kha pfanelo dzavho dza u vha muraḓo, vhaimeli vha Kganya Benefits Fund Trust vha ḓo ita khumbelo Khothe Khulwane ya Afurika Tshipembe (Tshigwada tsha Gauteng, Pretoria) u ya nga khethekanyo 13 ya Mulayo wa u Langa Thundu dza Thirasithi, wa 57 wa 1988 (Trust Property Control Act 57 of 1988) (“ Khumbelo ya Khothe ”) uri i ṱanganedze tshanduko. • Khothe Khulwane i ḓo dovha ya ṱolisisa themendelo yo itwaho nga Sanlam u ya nga Pukwana ya Kganya insurance contract, na Thari ya Baruti Pukwana ya Kganya insurance contract na maṅwe mafhungo oṱhe o raloho ane a tshimbidzana na tshanduko dzo ṱaluswaho kha Khumbelo ya Khothe. • Khothe Khulwane i ḓo ṱolisisa tshanduko nga vhuronwane na u khwaṱhisedza uri nzwalelo dzavho sa muraḓo wa muvhuyelwa dzi dzula dzo tsireledzwa. • Khumbelo ya Khothe yo ṋewa i tshi bva Khothe Khulwane ya Afurika Tshipembe (Tshipiḓa tsha Gauteng, Pretoria), hu tshi shumiswa nomboro ya mulandu ine ya vha 62972/2021 . Naa hu na zwine nda tea u ita musi zwi tshi ḓa kha Khumbelo ya Khothe? • Hai, nga nnḓa ha musi vha tshi ṱoḓa u hanedza tshanduko. • Arali vha tshi ṱoḓa u hanedza tshanduko, vha nga zwi ita nga u ḓadza nḓivhadzo ine ndivho yayo ha vha u hanedza Khumbelo ya Khothe ngei Khothe Khulwane ya Afurika Tshipembe (Tshipiḓa tsha Gauteng, Pretoria) nga ḽa kana nga phanḓa ha ḽa 20 Fulwana 2022 . • Arali vha ita nḓivhadzo ine ndivho yayo ha vha u hanedza Khumbelo ya Khothe, yeneyo nḓivhadzo i tea u rumelwa na kha vhoramilayo vha ane a khou ita khumbelo, Webber Wentzel Attorneys ngei 90 Rivonia Road, Sandton, 2196, kana nga imeili kha Kganya@webberwentzel.com , vha ṅwale uri i ṋewe Z Swanepoel / D Prinsloo. Kha nḓivhadzo yavho ine ndivho yayo ha vha u hanedza vha tea u ṅwala ḓiresi ine vha ṱoḓa u rumelwa khayo na ine vha ḓo rumelwa khayo dziṅwe nḓivhadzo na maṅwalwa a Khumbelo ya Khothe, yeneyo ḓiresi i tea u vha khilomithara dzi sa phaḓi 15 u bva khothe (“ Khothe ”). • Ri humbela uri vha ṱhogomele uri arali vha rumela nḓivhadzo ine ndivho yayo ha vha u hanedza, nga ḽa kana nga phanḓa ha ḽa 20 Fulwana, 2022, vha tea u rumela afidavithi i re na mbuno dzavho ngei Khothe Khulwane ya Afurika Tshipembe (Tshipiḓa tsha Gauteng, Pretoria) hu sa athu pfuka maḓuvha a 15 a khothe (maḓuvha a mushumo) nga murahu ha zwenezwo, na u rumela kopi kha vhoramilayo vha ane a khou ita khumbelo, Webber Wentzel Attorneys u ya nga zwidodombedzwa zwi re afho nṱha. • Khumbelo ya Khothe i ḓo thetsheleswa nga ḽa 3 Ṱhangule 2022 , kana arali vha hanedza Khumbelo ya Khothe, nga ḓuvha ḽine ḽa ḓo ṅwalwa kha Redzhisiṱara ya Khothe Khulwane. Vhoramilayo vha Muiti wa Khumbelo vha ḓo vha vhudza nga ha ḽeneḽi ḓuvha (ndi uri, ḓuvha ḽine ḽa ḓo vha ḽo ṅwalwa kha Redzhisiṱara ya Khothe Khulwane) nga u rumela nḓivhadzo ya ḓuvha kha Ḓiresi. • Ri a dovholola, arali vha sa ḓo hanedza Khumbelo ya Khothe, a hu na zwine vha tea u ita .