FAQ - Tshivenda

FAQ - Tshivenda MBUDZISO DZINE DZA ANZELA U VHUDZISWA MALUGANA NA TSHANDUKO KHA U VHA MURAḒO KHA KGANYA BENEFITS FUND TRUST Ndo wana nḓivhadzo nga ha tshanduko kha u vha hanga muraḓo kha Kganya Benefits Fund Trust. Honohu u vha muraḓo ndi mini? Arali vhe muraḓo wa Kganya Benefits Fund Trust, heyi nḓivhadzo yo ṅwalelwa vhone. Arali vha si muraḓo wa Kganya Benefits Fund Trust, heyi nḓivhadzo a i vha kwami. Ndo wana nḓivhadzo nga ha tshanduko kha u vha hanga muraḓo kha Kganya Benefits Fund Trust. Naa ndi ḓo dzula ndi muraḓo wa Kganya Benefits Fund Trust? • Arali vhe muraḓo wa Kganya Benefits Fund Trust, vha ḓo dzula vhe muraḓo wa Kganya Benefits Fund Trust. • Vha ḓo fanelea na u bvela phanḓa vha tshi fanelea sa muraḓo wa muvhuyelwa, vha ḓo tewa nga u ṋewa mbuyelo dza Kganya Benefits Fund Trust, tenda vha ḓi bvela phanḓa vha tshi bvisa miṋeelo ya u vha havho muraḓo ṅwedzi muṅwe na muṅwe. Ndo wana nḓivhadzo nga ha tshanduko kha u vha hanga muraḓo kha Kganya Benefits Fund Trust. Hu ḓo itwa tshanduko dzifhio kha u vha hanga muraḓo? • Zwa zwino, miraḓo yoṱhe kha Kganya Benefits Fund Trust i ṋewa mbuyelo dza mbadelo ya mbulungo, mbuyelo dza malwadze a shushaho na dza musi vho welwa nga khombo (" mbuyelo dza ndindakhombo ") hu tshi shumiswa pholisi dza tshigwada dzo waniwaho nga Kganya Benefits Fund Trust, nahone dzi tikedzwaho nga Sanlam Developing Markets Limited (" Sanlam "). • Naho zwo ralo, nga nṱhani ha tshanduko kha mulayo wa ndindakhombo, Kganya Benefits Fund Trust na Sanlam dzi nga kha ḓi sa bvela phanḓa na pholisi dza tshigwada. • Nga zwenezwo, Kganya Benefits Fund Trust a i tsha ḓo kona u bvela phanḓa na/kana u ṋea mbuyelo dza ndindakhombo nga pholisi dza tshigwada. Naho zwo ralo, mbuyelo dzavho dza ndindakhombo a dzi nga ḓo lozwea musi hu tshi vho itwa tshanduko kha u vha havho muraḓo . • Uri hu itwe tshanduko dzo bulwaho, tshanduko kha thendelano ya vhulangi ya Kganya Benefits Fund Trust, tshanduko na/kana u shandulwa na u vhewa ha miṅwe milayo ya i ṋewaho nga Kganya Benefits Fund Trust, zwi a ṱoḓea. Dzenedzi mbuyelo dzi kwama mbuyelo dza ndindakhombo; na dziṅwe mbuyelo dzi ngaho Leeto la Moria, mbuyelo dza thuso musi wo tshinyalelwa nga tshiendedzi u lwendoni, mbuyelo dza vhulangi ha mbulungo; na mbuyelo dza tsenguluso ya mutakalo wavhuḓi (u itela vha miraḓo ya komiti ya kereke vhane vha vha miraḓo ya vhavhuyelwa) (" mbuyelo dza vha si na ndindakhombo "). • Tshanduko kha u vha havho muraḓo u ya nga mbuyelo dza ndindakhombo dzo ima nga nḓila i tevhelaho: o Samusi vhe muraḓo wa muvhuyelwa, vha ḓo ṋewa Pukwana ya Kganya insurance contract kana Thari ya Baruti Pukwana ya Kganya insurance contract u itela vha miraḓo ya komiti vhane vha vha miraḓo ya vhavhuyelwa, ine ya tikedzwa nga Sanlam nahone vha vha muṋe wa pholisi ya Sanlam ya mbuyelo dzi fanaho dza ndindakhombo dze u thomani dza vha dzi dza Kganya Benefits Fund Trust u ya nga pholisi dza tshigwada. Kha vha vhale nga vhuronwane milayo yo tiwaho ya Pukwana ya Kganya insurance contract na Thari ya Baruti Pukwana ya Kganya insurance contract, samusi dzi na milayo yo tiwaho i sa fani ya Kganya Benefits Fund Trust. o Tshanduko kha Kganya Benefits Fund Trust na milayo kha Kganya Benefits Fund Trust zwi ḓo shandula fhedzi nḓila ine miraḓo ine ya vha vhavhuyelwa ya swikelela ngayo mbuyelo dza ndindakhombo. Hezwi zwi ḓo itea nga u shandula mbuyelo dzine zwino dza ṋewa hu tshi shumiswa Kganya Benefits Fund Trust na –