2022 Communications Flyer NB

• EsiBaweni seKhotho, iKhotho izokukhonjelwa bonyana ikhuphe isiqunto sokobana i-Sanlam igunyazwe ukukunikela ipholisi, begodu nokuthi i-Sanlam yenze njalo. Incwajana yobulunga bakho izokutjhuguluka ngonobangela wamatjhuguluko? • Nangabe iKhotho ePhakemeko iphasisa isiBawo, uzokufumana incwajana etjha yemigomo nemibandela emayelana namalungelo wobulunga bakho eThrastini. Incwajana etjha yemigomo nemibandela yobulunga bakho izokuthoma ukusebenza ngeLanga lokuThoma ukuSebenza elibekiweko. • Incwajana etjha yemigomo nemibandela yobulunga bakho izokujamiselela yoke imigomo nemibandela ekhona kubulunga beThrasti ukusukela eLangeni lokuThoma ukuSebenza. • Incwajana etjha yemigomo nemibandela yobulunga bakho izokunikelwa boke abazuzi bamalunga, simahla . • Ungayilahli incwajana yakade yobulunga bakho ngombana isazokuragela phambili isetjenziswe njengencwajana yamaresibhi yokubhadela lapho uzokugcina woke amarekhodi wakho. Incwajana yobulunga bakho izokuhlala isebenza ngombana imumethe imininingwana ngendlela yeforomu le-MPP godu/nofana iforomu le-AMPP; imininingwana eminye neminye yamaResibhi we-Leeto la Moria; nemininingwana yabantwana abanye nabanye abondliwako. • Nasele incwajana yobulunga bakho seyizele, nofana zilahlekile, uzokunikelwa enye incwajana yamaresibhi bese ubulunga koke ozabe ukubhadelele ngaleso sikhathi. • Lokhu kutjho bonyana ukusukela ngeLanga lokuThoma ukuSebenza uzabe uneencwajana ezimbili, ekungilezi,– o incwajana yemigomo nemibandela yobulunga etjha; begodu o incwajana yakho yakade, ebekade uyisebenzisa, uzokuragela phambili nayo uyisebenzise njengaleyo egcina amaresibhi wokubhadela kwakho ukufikela ngesikhathi lapho ufuna etjha nofana ukuyhijamiselela ngenye incwajana yamaresibhi wokubhadela. Ungalithola kuphi ilwazi elinabileko? Sibawa uthintane ne-KIA ezikweni lezemisebenzi ku-0800 000 538 nangabe ufuna ilwazi elinabileko ngokufaka isiBawo seKhotho, isisekelo nomthelela nofana umthintela wamatjhuguluko ahlongozwako begodu nemigomo nemibandela yesivumelwano se-intjhorensi ye-Pukwana ya Kganya ezokukhutjhwa yi-Sanlam. Ukuragela phambili, sibawa wazi bonyana ikhophi yesiBawo seKhotho, ukufaka hlangana ithrasti yobunikazi ekhitjelelweko, ikhophi yencwajana yemigomo nemibandela yesivumelwano se-intjhorensi yobulunga ye-Pukwana ya Kganya (i-Pukwana ya Kganya insurance contract) kunye neminye imitlolo eqakathekileko izokufumaneka nawufuna ukuyihlola nofana ukuzibona ezikweni eliseduze lezemisebenzi le-KIA begodu nakubunzinzolwazi be-KIA ku: www.mykganya.com . Imininingwana yendawo ekutholakala khona amaziko wemisebenzi ye-KIA ingatholakala ku: www.mykganya.com . Isekelwa yi-ZCC Sibawa wazi bonyana Mina: • ngisekela amatjhuguluko weThrasti nemigomo yeThrasti; begodu • nginikela i-Sanlam igunya elizeleko njengabatlolisi nofana abalawuli beenzuzo ze-intjhorensi abanginikela iinsiza ngokuya nge-Pukwana ya Kganya Insurance Contract. Boke abazuzi bamalunga bangaqiniseka bonyana iinzuzo abanazo okwanjesi eThrastini zizokuhlala zivikelekile. Umhlonitjhwa u-Reverend Bishop Dorh. B E Lekganyane Ilanga: 28 / 02 / 2022