2022 Communications Flyer NB

• Nangabe ufuna ukuphikisana namatjhuguluko, ungakwenza lokho ngokufaka isaziso sehloso yokuphikisa isiBawo seKhotho eKhotho ePhakemeko yeSewula Afrika (i-Gauteng Division, Pretoria) mhla nofana ngaphambi kwangezi-20 kuVelabahlinze 2022. • Nangabe ufaka isaziso sokuphikisa ngehloso isiBawo seKhotho, isaziso leso naso kufanele sidiliviwe kubajameli bangokomthetho bomfakisibawo, ku-Webber Wentzel ku-90 Rivonia Road, Sandton, 2196, nofana nge-imeyili to Kganya@webberwentzel.com, uyiqalise ku-Z Swanepoel / D Prinsloo. Esazisweni sakho sehloso yokuphikisa, kufanele ukhethe isiphande salapho ufuna ukuthola khona izaziso neencwadi esiBaweni seKhotho, ekufanele kube siphande esingadluli amakhilomitha ali-15 werediyasi ukusukela endaweni ohlala kiyo ukuya ekhotho (“isiphande"). • Sibawa wazi bonyana nangabe ufaka isaziso sokuphikisa ngehloso ngaphambi nofana ngomhlaka-20 kuVelabahlinze 2022, kufanele ufake i-avidavidi yokuziphendulela ngokungakapheli amalanga ali-15 (emalangeni wokusebenza) ngemva kwalokho, begodu udilivele abajameli nofana abogcwetha bomfakisibawo ikhophi, u-Webber Wentzel Attorneys esiphandeni esingehla.. • Ukulalelwa kwesiBawo seKhotho kuzokubanjwa ngelanga langezi-3 kuRhoboyi 2022, nofana nangabe uphikisana nesiBawo seKhotho, kubanjwe ngelanga elizabe libekwe nguRejistra weKhotho ePhakemeko. Abogcwetha bomfakisibawo bazokwazisa ngelanga lokulalelwa kwecala (ilanga elibekwe nguRejistra weKhotho ePhakemeko) ngokukuthumela isaziso sesiphande nelanga. • Nangabe awuphikisani nesiBawo, awenzi litho nofana ungenzi litho . Kwenzakalani Nangabe IKhotho EPhakemeko Iphasisa IsiBawo SeKhotho? Azokuthoma Nini Amatjhuguluko? • Nangabe iKhotho ePhakemeko iphasisa isiBawo seKhotho, amatjhuguluko azokuthoma ukusebenza ukusukela ngezi-1 kuTjhirhweni 2023 (" iLanga lokuThoma ukuSebenza "). • Lokhu kutjho bonyana, ngeLanga lokuThoma ukuSebenza: o Boke abazuzi bamalunga bazokuragela phambili ngokuba malunga weThrasti. o Boke abazuzi bamalunga bazokuthola isivumelwano se-intjhorensi ye-Pukwana ya Kganya ezokunikela ngeenzuzo ezi-intjhoriweko. Isivuvelwano se-intjhorensi ye-Pukwana ya Kganya izokutloliswa ngaphasi kwe-Sanlam. o Boke abazuzi bamalunga kufanele baragele phambili ngokubhadela umnikelo wobulunga babo. o Emnikelweni wobulunga, iThrasti izoku – - bhadela i-Sanlam amaphrimiyamu ngokuya ngemigomo yesivumelwano se-intjhorensi ye-Pukwana ya Kganya kibo boke abazuzi bamalunga ababhadele umnikelo wobulunga babo; - nikela ku-ZCC; - nikela godu/nofana ibeke iinzuzo ze-Leeto la Moria, iinzuzo zesizo leendleleni, iinzuzo zokulawula zomngcwabo neenzuzo zokuhlolwa kwezamaphilo Amahle (nakwenzekako bonyana amalunga wekomidi yesondo abazuzi bamalunga); begodu - nikela ngefikelelo kwezinye iinzuzo ezisetjenzwako neziphakanyiswa yiThrasti neSondo le-ZCC kumalunga wayo. Ngubani U-Sanlam? • U-Sanlam yi-intjhorensi yepilo enikelwe ilayisensi ngokomThetho we-Intjhorensi weNomb. 18 ka-2017 (Insurance Act, 18 of 2017), umnikeli wesizo lezeemali ogunyazwe yi-FSP ngenomboro 11230 begodu yi-intjhorensi ezokunikela abazuzi bamalunga iinzuzo ze-intjhorensi ngokwesivumelwano se-intjhorensi ye-Pukwana ya Kganya. I-Sanlam izowakhupha njani amapholisi abumba ingcenye yesivumelwano se-intjhorensi ye-Pukwana ya Kganya ebazuzini bamalunga? • I-Sanlam ikunikela ithuba njengomzuzi welunga ukungenela isivumelwano se-intjhorensi ne-Pukwana ya Kganya. • Asikho esinye isenzo ekufanele usenze ukuze wamukele isivumelwano se-intjhorensi ye-Pukwana ya Kganya kodwana kufanele uragele phambili ngokubhadela umnikelo wobulunga bakho. • Nangabe uragela phambili ngokubhadela umnikelo wobulunga bakho, godu awuphikisani nesiBawo seKhotho, kuzokuthathwa bona uvumelana nesivumelwano esiku-intjhorensi ye-Pukwana ya Kganya begodu i-intjhorensi yesivumelwano sePukwana ya Kganya sizokuthoma ngeLanga lokuThoma ukuSebenza.