2022 Communications Flyer NB

Eminyakeni engaphezulu kwemasumi amabili eyadlulako, ngasungula i-Kganya Benefits Fund Trust (“ iThrasti ”) ukuzuzisa ibandla le-ZCC. Ngomlayelo wami, iThrasti yenze bona amalunga we-ZCC ababhadela ubulunga bawo godu nabasebujameni obuhle bobulunga bazuze ngaphasi kwayo iThrasti le (“ abazuzi bamalunga ”). Iinzuzo lezi zifaka hlangana iindleko ezihle zokungcwaba, amalwele nogana ukugula ukuhlukumeza umuntu nekhava yeengozi (“ iinzuzo ezi-intjhoriweko ”); nezinye iinzuzo ezinjengeze-Leeto la Moria (ivakatjhelo langeMoriya), iinzuzo zokusizwa endleleni; iinzuzo zokulawulwa komngcwabo; begodu neenzuzo zokuhlola amaphilo amahle (nangabe amalunga wekomidi lesondo amalunga wabazuzi) (“ iinzuzo ezingaka-intjhoriwa ”). Mina nabalawuli beThrasti, ngihlala ngiqinisekiswa bonyana ukusebenza kweThrasti kukhambisana ngokupheleleko nomthetho ofaneleko. Ukuhlala sikhamba ngokomthetho, iThrasti sibone bonyana ayikho enye indlela ngaphandle kokwenza amanye amatjhuguluko ukuze sikhambisane nokutjhuguluka komthetho we-intjhorensi ethinta iThrasti le esisebenza ngaphasi kwayo. Kufuneka isikhibelelo ebunikazini beThrasti nesikhibelelo godu/nofana ukujanyiselelwa kwemithetho ekhutjhwe yiThrasti. Iinkhibelelo zizokuthinta iinzuzo ezi-intjhoriweko neenzuzo ezingaka-intjhoriwa (nakuhlangeneko kubizwa ngokuthi “ matjhuguluko ”). Umtlolo lo umumethe isaziso samatjhuguluko ebulungeni bakho ngonobangela weenkhibelelo lezo. Amarekhodo wethu asitjengisa bonyana ulilunga leThrasti godu ukulungele ukuba mzuzi welunga. Nangabe ulilunga leThrasti godu akukakulungeli ukuba mzuzi welunga, ungasithatheli ehloko isaziso lesi. Njengomzuzi weThrasti, nginganiqinisekisa bona ngenze yoke imizamo ukuqinisekisa bonyana iinzuzo zenu zihlale zinjalo godu nenzalo yenu njengabazuzi bamalunga iyavikelwa begodu angekhe yathinta kumbi umphumela wamatjhuguluko afunekako. Ukuze kuphasiswe amatjhuguluko, abanikazi beThrasti bazokufaka isibawo eKhotho ePhakemeko yeSewula Afrika (i-Gauteng Division, Pretoria) ngokuya ngesigaba 13 se-Trust Property Control Act 57 of 1988 (Trust Property Control Act 57 of 1988) (“ isiBawo seKhotho ”) ukuphasisa amatjhuguluko. Ngalokho-ke, iKhotho ePhakemeko izokuqalisisa kuhle amatjhuguluko bese iyaqinisekisa bonyana inzalo yakho ngongomzuzi welunga ihlala ivikelekile. Umnqopho wesaziso eziqakathekileko lesi kuhlathulula ngokunabileko amatjhuguluko, begodu nomthelela ozokuba khona emalungelweni wakho wobulunga njengomzuzi welunga. Ubulunga BeThrasti • Nangabe ulilunga leThrasti, uzokuhlala ulilunga njalo. • Uzokulungela godu uragele phambili ngokulungela ukuba mzuzi welunga, ulungelele nokuthola iinzuzo zeThrasti, kwaphela nangabe ubhadela umnikelo wakho wobulunga. Ukubhadelwa Komnikelo Wobulunga • Njengelunga leThrasti, kufanele uragele phambili ngokubhadela umnikelo wobulunga bakho waqobe yinyanga emagatjeni ahlukileko wesondo. Njengoba kuyinjayelo bekube namhlanjesi, uzokunikelwa iresidi nawubhadela umnikelo wobulunga bakho baqobe yinyanga. • Amakomidi wesondo azokudibhozida iimali zawo zobumnikelo wobulunga bamalunga ebhangeni ku-akhawundi yeThrasti. • Ngokubhadela imali yomnikelo wobulunga bakho yaqobe yinyanga, uzabe uqinisekisa ubulunga bakho eThrastini njengomzuzi welunga. • Sibawa wazi bonyana umnikelo wakho wobulunga waqobe yinyanga uzokuhlala unjalo godu angekhe utjhuguluke nofana uthikamezeke ngonobangela wamatjhuguluko. IiNzuzo ezi-intjhoriweko: zemingcwabo, zamalwele nofana amagulo ahlukumezako nekhava yeengozi • Okwanjesi, boke abazuzi bamalunga bebathola ikhava yeenzuzo zomngcwabo, yamalwele nofana amagulo neenzuzo zeengozi ngamapholisi wesiqhema abekwe yiThrasti godu alawulwa yi-Sanlam Developing Markets Limited (“ Sanlam ”). • Nanyana kunjalo, ngonobangela wamatjhuguluko emthethweni we-intjhorensi, iThrasti ne-Sanlam angekhe isaragela phambili ngamapholisi wesiqhema.