FAQ - isiNdebele

4 • Ngonobangela wamatjhuguluko asebulungeni bakho, abazuzi kuthrasti ye-Kganya Benefits Fund Trust bazokuya eKhotho ePhakemeko yeSewula Afrika ukuphasisa amatjhuguluko. Yoke imizamo yenziwe ukuqinisekisa bonyana iinzuzo zakho zihlala zinjalo godu nenzalo yakho njengomzuzi welunga iyavikelwa begodu angekhe yathinta kumbi umphumela wamatjhuguluko afunekako. Kuyini IsiBawo Sekhotho? • Ukuze kuphasiswe amatjhuguluko aku-Kganya Benefits Fund Trust namalungelo wobulunga bakho, abazuzi be-Kganya Benefits Fund Trust bazokufaka isibawo eKhotho ePhakemeko yeSewula Afrika (i-Gauteng Division, Pretoria) ngokuya ngesigaba 13 se-Trust Property Control Act 57 of 1988 (Trust Property Control Act 57 of 1988) (“ isiBawo seKhotho ”) ukuphasisa amatjhuguluko. • IKhotho ePhakemeko izokuqala godu lokho okuhlongozwe yi-Sanlam ngokwemigomo ye- Pukwana ya Kganya insurance contract ne-Thari ya Baruti Pukwana ya Kganya insurance contract, begodu nazo zoke ezinye izinto nofana iindaba mayelana namatjhuguluko ngendlela zendlalwe ngayo esiBaweni seKhotho. • Ngalokho-ke, iKhotho ePhakemeko izokuqalisisa kuhle amatjhuguluko bese iyaqinisekisa bonyana inzalo yakho ngongomzuzi welunga ihlala ivikelekile. • IsiBawo seKhotho sinikelwe eKhotho ePhakemeko yeSewula Afrika, i-Gauteng Division, ePitori, ngaphasi kwecala lenomboro 62972/2021 . Kukhona ekufanele ngikwenze ngokuya ngesiBawo seKhotho? • Awa, ngaphandle kokuthi ufuna ukuphikisana namatjhuguluko. • Nangabe ufuna ukuphikisana namatjhuguluko, ungakwenza lokho ngokufaka isaziso sehloso yokuphikisa isiBawo seKhotho eKhotho ePhakemeko yeSewula Afrika (i-Gauteng Division, Pretoria) mhla nofana ngaphambi kwangezi- 20 kuVelabahlinze 2022 . • Nangabe ufaka isaziso sokuphikisa isiBawo seKhotho, isaziso kufanele sidiliviwe emagqwetheni nofana kubajameli bomfakisibawo, u-.Webber Wentzel ku-90 Rivonia Road, Sandton, 2196, nofana nge-imeyili ku- [Kganya@webberwentzel.com ], uyiqalise ku-Z Swanepoel / D Prinsloo. Esazisweni sakho sehloso yokuphikisa kufanele ukhethe isiphande lapho ufuna ukwamukelela nokuthola khona izaziso neencwadi zakho zesiBawo seKhotho, ekusiphande esingadluli amakhilomitha ali-15 werediyasi ukusuka endaweni yangekhenu ukuya ekhotho (“ isiphande ”). • Sibawa wazi bonyana nangabe ufaka isaziso sokuphikisa ngehloso ngaphambi nofana ngomhlaka-20 kuVelabahlinze 2022, kufanele ufake i-avidavidi yokuziphendulela ngokungakapheli amalanga ali- 15 (emalangeni wokusebenza) ngemva kwalokho, begodu udilivele abajameli nofana abogcwetha bomfakisibawo ikhophi, u-Webber Wentzel Attorneys esiphandeni esingehla. • Ukulalelwa kwesiBawo seKhotho kuzokubanjwa ngelanga langezi- 3 kuRhoboyi 2022 , nofana nangabe uphikisana nesiBawo seKhotho, ngelanga elizabe libekwe nguRejistra weKhotho ePhakemeko. Abogcwetha bomfakisibawo bazokwazisa ngelanga lokulalelwa kwecala (ilanga elibekwe nguRejistra weKhotho ePhakemeko) ngokukuthumela isaziso sesiphande nelanga. • Siyabuyelela, nangabe awuphikisani nesiBawo seKhotho, awenzi litho nofana ungenzi litho . Kwenzakalani Nangabe IKhotho EPhakemeko Iphasisa IsiBawo SeKhotho? Azokuthoma Nini Amatjhuguluko? • Nangabe iKhotho ePhakemeko iphasisa isiBawo seKhotho, amatjhuguluko, amatjhuguluko azokuthoma ukusebenza ukusukela ngezi-1 kuVelabahlinze 2023 (" ILanga lokuThoma ukuSebenza "). Nangabe amatjhuguluko ebulungeni bakho athoma ukusebenza, kuzokwezakalani?