2022 KBFT New Scheme Info Poster XITSONGA

B e n e f i t s F und T r u s t PUKWANA YA KGANYA XITIVISO XA NKOKA XA SWIRHO SWA NKWAMA WA MIVUYELO YA MALI WA KGANYA LEYI HAKERIWAKA KUSUKA EKA MUCHAVISEKI MUFUNDHISI MUBIXOPO DKT B E LEKGANYANE Tani hi xirho xa Nkwama wa Mali ya Mivuyelo ya Kganya (“ Nkwama ”) lowu wu nga kahle, timfanelo wa wena ta vuxirho ti ku pfumelela ku vuyerisa swa mafu, vuvabyi byo chavisa ni ndzindzakhombo ya munhu un’we (“ mivuyelo yo sirhelela ”); ni mivuyelo yin’wana tanihi mivuyelo ya Leeto la Moria, mivuyelo ya le tlhelo ka gondzo, mivuyelo ya mafambiselo ya swa mafu ni mivuyelo ya mahlahluvelo ya hanyelo ra kahle (eka mhaka ya swirho swa komiti ya kereke leswi nga vavuyeriwaxidzi) (“ mivuyelo ya nkandzindzakhombo ”). Hikokwalaho ka ku cinca eka nawu wa ndzindzakhombo lowu wu kucetelaka ndlela leyi eka yona Nkwama wu tirhaka hakona, Nkwama a wu ni ndlela yin’wana, kambe ku humelerisa ku cinca kun’wana hi ndlela leyi wu tirhaka hakona, hi ku antswisa ni/kumbe ku herisa nawu ximfumo ni ku siva swinawana leswi humesiwaka hi Nkwama (kun’we ni “ ku cinca ”). Ku cinca loku ku ta khumba timfanelo ta wena ta vuxirho. U komberiwa ku endzela kereke ya le kusuhi ku ya teka xinavetisi xa tsalwa ni vuxokoxoko bya nkoka mayelana ni ku cinca ka timfanelo ta vuxirho bya wena. U fanele ku teka tsalwa leri kungasi fika 6 Mawuwani 2022. HI KU KOMISA, VUXOKOXOKO LEBYI LANDZELAKA I BYA NKOKA: • Loko u ri xirho xa Nkwama, u ta tama wa ha ri xirho xa Nkwama. • Loko u ringanela tanihi muvuyeriwaxidzi u ta tama wa ha ri muvuyeriwaxidzi hambi ku ri ni ku cinca, u nyikiwile eka mivuyelo ya Nkwama, ntsena loko wa ha hakela tihakelo ta wena ta vuxirho n’hweti yin’wana ni yin’wana . • Tihakelo ta wenata n’hweti yin’wana ni yin’wana ti ta tama ta ha fana naswona a ti nga cinci kumbe ku khumbheka hikokwalaho ka mhaka ya ku cinca. • Eka nkarhi wa sweswi, hinkwavo vavuyeriwaxidzi va kuma ku sirheleriwa ka swa mafu, vuvabyi byo chavisa ni makhombo ya nghozi ya munhu hi ku tirhisa tipholisi ta ntlawa leti nga ta nyikiwa hi Sanlam Developing Markets Limited (“ Sanlam ”). Hikokwalaho ka ku cinca ka nawu, Nkwama na Sanlam yi nge he yi emahlweni ni tipholisi ta ntlawa. • Hikokwalaho, Nkwama a wu nga ha phakeli ni/kumbe endlelo ro kuma swilo hi ku tekeriwi mivuyelo yo sirheleriwa hi ku tirhisa tipholisi ta ntlawa. Hambiswiritano, mivuyelo yo sirheleriwa ka wena a yi nga lahleki loko ku cinca ku endliwa . • Loko ku cinca ku endliwa, leswi landzelaka swi fanele ku lemukiwa: o Tanihi muvuyeriwaxidzi u ta amukela kontiraka ya ndzindzakhombo ya Pukwana ya Kganya (kumbe kontiraka ya ndzindzakhombo ya Thari ya Baruti Pukwana ya Kganya eka mhaka ya swirho swa komiti leswi nga vavuyeriwaxidzi), kun’we ni ku kongomisa eka tanihi “ kontiraka ya ndzindzakhombo ya Pukwana ya Kganya ”, leyi yi nyikiwaka hi Sanlam. U ta va n’wini wa pholisi ya Sanlam ka mivuyelo yo fana ya ndzindzakhombo ekusunguleni ku kuma hi Nkwama hi ku ya hi tipholisi ta ntlawa. Sanlam yi ku nyika nyiko tanihi muvuyeriwaxidzi ku nghena eka kontiraka ya ndzindzakhombo ya Pukwana ya Kganya. o Ku cinca ku ta va kona ntsena eka ndlela leyi vavuyeriwaxidzi va faneleke ku kuma mivuyelo yo sirheleriwa eka nkarhi wa sweswi leyi va tiphinaka ha yona hi ku siva hi mivuyelo leyi va vuyeriwaka hi ku tiphina ha yona eka nkarhi wa sweswi hi ku tirhisa Nkwama, ni i) mfanelo yo vuyeriwa ehenhla ka Nkwama ku hakela mali ya switolomente hi ku ya hi kontiraka ya ndzindzakhombo ya Pukwana ya Kganya; ni ii) mfanelo ehenhla ka Sanlam hi ku ya hi kontiraka ya ndzindzakhombo ya Pukwana ya Kganya ka mivuyelo yo sirheleriwa. o Tanihi muvuyeriwaxidzi, Nkwama wu ta hakela switolomente eka Sanlam ntsena loko u hakela switolomente swa n’hweti yin’wana ni yin’wana swa vuxirho bya wena swa mali ya xirhundzu eka Nkwama . Loko u nga hakeli mali ya xirhundzu ya vuxirho bya wena eka Nkwama, Nkwama a wu nga hakeli switolomente eka Sanlam naswona mivuyelo ya ndzindzakhombo ya nkoka ya wena yi nga ha lahlekeriwa . o Hi ku amukela kontiraka ya ndzindzakhombo ya Pukwana ya Kganya, loko u ri ni xikoxo ka mivuyelo yo sirheleriwa yin’wana ni yin’wana, u fanele ku koxa ehenhla ka Sanlam. o A ku nga vi ni ku hambana eka ndlela leyi swikoxo swa mivuyelo yo sirheleriwa swi endliwaka hakona. o Nkwama wu ta endla ku, kusukela eka mali ya xirhundzu ya wena ya vuxirho hi n’hweti ni n’hweti, wu endla nyikelo ya mali eka ZCC hi ku yimela wena tani hi muvuyeriwaxidzi. o Nkwama wu ta ya emahlweni wu nyika ni/kumbe ku kuma mfikelelo eka mivuyelo ya nkandzindzakhombo, eka ndlela yo fana hi ku kwatsaa. MPFUMELELO WO CINCA • Ku endla ku cinca, ku antswisa eka papila ni swinawana swa Nkwama swa laveka. Hambiswiritano, ku cinca swi fanele ku pfumeleriwa hi Khoto ya le Henhla ya Afrika-Dzonga (Xiyenge xa Gauteng, ePitori). Nakambe, Khoto ya le Henhla yi ta tekela enhlokweni nyiko leyi endliweke hi Sanlam hi ku ya hi kontiraka ya ndzindzakhombo ya Pukwana ya Kganya, naswona hinkwato tin’wana timhaka leti yelanaka ni ku cinca loku. • Eka Xikombelo xa Khoto, Khoto yi ta komberiwa ku lerisa leswaku Sanlam yi pfumeleriwa ku ku nyika pholisi, ni leswaku Sanlam yi endla tano; • Vanhu van’wana va Nkwama lowu wu hlayiselaka van’wana mali ximfumo va ta endla xikombelo eka Khoto ya le Henhla ya Afrika-Dzonga (Xiyenge xa Gauteng, ePitori) ku kuma mpfumelelo wo cinca (" Xikombelo xa Khoto "). • Xikombelo xa Khoto xi humesiwile kusuka eKhoto ya le Henhla ya Afrika-Dzonga, Xiyenge xa Gauteng, ePitori, ehansi ka nandzu wa nomboro ya 62972/2022. • Loko u lava ku kaneta eka ku cinca , u nga ha endla tano hi ku tata xitiviso xa xikongomelo ku alana ni Xikombelo xa eka Khoto ya le Henhla ya Afrika-Dzonga (Xiyenge xa Gauteng, ePitori) hi kumbe kungasi ku fika 20 Mawuwani 2022, u fanele ku tata afidavhiti ya swivutiso exikarhi ka 15 wa masiku ya khoto endzhaku ka sweswo. • Loko u tsarisa xitiviso xa xikongomelo xo kaneta Xikombelo xa Khoto, nakambe xitiviso xi fanele xi yisiwa eka magqweta ya vakomberi, Webber Wentzel e90 Rivonia Road, eSandton, 2196, kumbe hi imeyili eka kganya@webberwentzel.com , xi kongomisiwa eka Z Swanepoel/D Prinsloo. • Eka xitiviso xa wena xa xikongomelo xo kaneta u fanele ku hlawula ndhawu leyi u kumekaka kona laha u ku lavaka ni ku amukela switiviso ku ya emahlweni ni matsalwa eka Xikombelo xa Khoto, ndhawu leyi u kumekaka kona yi nga kumeki yi ri eka mpfhuka wa 15 wa tikhilomitara kusuka ekhoto (“ndhawu leyi u kumekaka kona”). • Loko u tsarisa xitiviso xa xikongomelo xo kaneta hi kumbe kungasi fika 20 Mawuwani 2022, u fanele ku tsarisa afidavhiti yo hlamula exikarhi ka 15 wa masiku (masiku ya ntirho) naswona endzhaku ka sweswo u yisa kopi mayelana ni leswi eka magqweta ya mukomberi, Webber Wentzel hi ku ya hi vuxokoxoko lebyi nga laha henhla. • Xikombelo xa Khoto xi ta yingiseriwa hi 3 Mhawuri 2022, kumbe eka nkarhi lowu u nga eku kaneteni ka Xikombelo xa Khoto, eka siku leri ri nga ta bohiwa hi Munhu loyi a tirhaka ni tirhekodo ta khoto eka Khoto ya le Henhla. Magqweta ya mukomberi ya ta ku tivisa hi ku rhumela xitiviso xa siku eka Ndhawu leyi u kumekaka kona. • Loko u nga kaneti Xikombelo xa Khoto, a wu fanelangi ku endla xin’wana. XANA KU CINCA SWI TA SUNGULA KU ENDLIWA RINI? • Loko Khoto ya le Henhla yi pfumelela Xikombelo xa Khoto, ku cinca ku ta sungula ku tirha kusuka hi 1 Sunguti 2023 (" Siku ro Sungula ku Tirha "). • Leswi swi vula leswaku ku cinca eka vuxirho bya wena, nakambe ni kontiraka ya ndzindzakhombo ya Pukwana ya Kganya, swi ta sungula ku tirha hi Siku ro Sungula ku Tirha. XANA HI KWIHI LAHA U NGA KUMAKA VUXOKOXOKO HI XITALO? • Nakambe u komberiwa ku tihlanganisa ni Kereke ya le kusuhi ku kuma papila ra vuxokoxoko bya nkoka. • Nakambe u nga ha komberiwa ku tihlanganisa ni hofisi ya tingqingho ya KIA eka 0800 000 538. • Khopi ya Xikombelo xa Khoto, leswi katsaka xitsariwaximfumo xa nhlangano lexi nga antswisiwa, khopi ya xibukwana xa milawu ni swipimelo swa kontiraka ya Ndzindzakhombo ya Pukwana ya Kganya, kun’we ni matsalwa man’wana ya nkoka, swa kumeka ku kamberiwa eka hofisi ya KIA ya le kusuhi na wena, laha vuxokoxoko bya munhu byi nga ha kumekaka eka www.mykganya.com . Nakambe Xikombelo xa Khoto xi nga ha kumeka eka webusayiti ya Kganya eka www.mykganya.com . KU SEKETELA HI ZCC U komberiwa ku lemuka leswaku ndzi: • seketela ku cinca eka Nkwama ni swinawana swa Nkwama; naswona • seketela hi xitalo vumbhoni bya Sanlam tanihi muhakeleri wa mivuyelo ya ndzindzakhombo ya wena hi ku ya hi kontiraka ya ndzindzakhombo ya Pukwana ya Kganya. Hinkwavo vavuyeriwaxidzi va tshembisiwa leswaku mivuyelo leyi va nyikiwaka yona eka nkarhi wa sweswi hi Nkwama yi ta tshama yi sirheleriwile. Muchaviseki Mufundhisi Dkt Mubixopo BE Lekganyane