2022 KBFT New Scheme Info Poster TSHIVENDA

B e n e f i t s F und T r u s t PUKWANA YA KGANYA NDIVHADZO YA NDEME KHA MIRADO YA KGANYA BENEFITS FUND TRUST U BVA KHA MBOLOMO MUHULISEI MUBISHOPO VHODOKOTELA B E LEKGANYANE Sa muraḓo wa Kganya Benefits Fund Trust (" Thirasithi ") ane a vha vhuimoni havhuḓi, pfanelo dza u vha havho muraḓo dzi ita uri vha fanelee mbulungo i sa ḽi masheleni manzhi, mbuyelo dza malwadze a shushaho na dza mbadelo musi wo welwa nga khombo (“ mbuyelo dza ndindakhombo ”); na dziṅwe mbuyelo dzi ngaho Leeto la Moria, mbuyelo dza thuso musi wo tshinyalelwa nga tshiendedzi u lwendoni, mbuyelo dza vhulangi ha mbulungo na mbuyelo dza tsenguluso ya mutakalo wavhuḓi (u itela miraḓo ya komiti ya kereke vhane vha vha miraḓo ya vhavhuyelwa) (" mbuyelo dza vha si na ndindakhombo "). Nga nṱhani ha tshanduko kha mulayo wa ndindakhombo une wa kwama nḓila ine Thirasithi ya shuma ngayo, Thirasithi yo kombetshedzea u ita dziṅwe tshanduko kha nḓila ine ya shuma ngayo, nga u shandula thendelano ya vhulangi ha Thirasithi, tshanduko na/kana u shandulwa na u vhewa ha miṅwe milayo ya Thirasithi (nga u tou angaredza " tshanduko "). Dzenedzi tshanduko dzi ḓo kwama pfanelo dza u vha havho muraḓo. Ri humbela uri vha dalele kereke ya hune vha dzula hone vha ye u dzhia tshibammbiri tshi re na mulaedza wa ndeme malugana na tshanduko kha pfanelo dza u vha havho muraḓo. Vha tea u dzhia tshenetshi tshibammbiri hu sa athu pfuka ḽa 6 Fulwana 2022 . RI TSHI TOU NWELEDZA, MAFHUNGO A TEVHELAHO NDI A NDEME: • Arali vhe muraḓo wa Thirasithi, vha ḓo dzula vhe muraḓo wa Thirasithi. • Arali vha tshi fanelea sa muraḓo wa muvhuyelwa vha ḓo dzula vhe muraḓo wa muvhuyelwa hu sa londwi tshanduko, vha ḓo tewa nga u ṋewa mbuyelo dza Thirasithi, tenda vha ḓi bvela phanḓa vha tshi bvisa miṋeelo ya u vha havho muraḓo ṅwedzi muṅwe na muṅwe . • Miṋeelo yavho ine vha i bvisa ṅwedzi muṅwe na muṅwe sa muraḓo i ḓo dzula yo ralo nahone a i nga shanduki kana u thithiswa nga dzenedzi tshanduko. • Zwa zwino, miraḓo yoṱhe ya vhavhuyelwa i ṋewa mbuyelo dza mbadelo ya mbulungo, malwadze a shushaho na mbuyelo na musi wo welwa nga khombo hu tshi shumiswa pholisi dza tshigwada dzo tikedzwaho nga Sanlam Developing Markets Limited (" Sanlam "). Nga nṱhani ha tshanduko kha mulayo wa ndindakhombo, Thirasithi na Sanlam dzi nga kha ḓi sa bvela phanḓa na pholisi dza tshigwada. • Nga zwenezwo, Thirasithi a i tsha ḓo kona u bvela phanḓa na/kana u ṋea mbuyelo dza ndindakhombo nga pholisi dza tshigwada. Naho zwo ralo, mbuyelo dzavho dza ndindakhombo a dzi nga ḓo lozwea musi hu tshi vho itwa tshanduko . • Musi hu tshi vho itwa tshanduko, hu tea u ṱhogomelwa zwi tevhelaho: o Samusi vhe muraḓo wa muvhuyelwa vha ḓo ṋewa thendelano ya Pukwana ya Kganya insurance contract (kana Thari ya Baruti Pukwana ya Kganya insurance contract u itela vha miraḓo ya komiti vhane vha vha miraḓo ya vhavhuyelwa), ine nga u tou angaredza ya vhidzwa “ Pukwana ya Kganya insurance contract ”, i tikedzwaho nga Sanlam. Vha ḓo vha muṋe wa pholisi ya Sanlam ya mbuyelo dza ndindakhombo dze u thomani dza vha dzo waniwa nga Thirasithi u ya nga pholisi dza tshigwada . Sanlam i khou vha ṋea themendelo samusi vhe muraḓo wa muvhuyelwa uri vha dzhene kha Pukwana ya Kganya insurance contract. o Tshanduko dzi ḓo shandula fhedzi nḓila ine miraḓo ya vhavhuyelwa ya swikelela ngayo mbuyelo dza ndindakhombo, dzine dza ḓo vha u shandulwa ha mbuyelo dzine zwino dza ṋewa hu tshi shumiswa Thirasithi, nga i) pfanelo yo ṋewaho malugana na Thirasithi ya mbadelo dza dziphirimiamu u ya nga Pukwana ya Kganya insurance contract; na ii) pfanelo malugana na Sanlam u ya nga Pukwana ya Kganya insurance contract ya mbuyelo dza ndindakhombo. o Sa muraḓo wa muvhuyelwa, Thirasithi i ḓo badela dziphirimiamu kha Sanlam tenda vha ḓi bvela phanḓa vha tshi bvisa miṋeelo ya u vha havho muraḓo ṅwedzi muṅwe na muṅwe kha Thirasithi . Arali vha sa bvisa muṋeelo wa u vha havho muraḓo kha Thirasithi, Thirasithi i nga si badele dziphirimiamu kha Sanlam nahone vha nga kha ḓi xelelwa nga mbuyelo dzavho dza ndeme dza ndindakhombo. o Arali vha ṱanganedza Pukwana ya Kganya insurance contract, vha tea u ita mbilo ya mbuyelo naho dzi dzifhio dza ndindakhombo kha Sanlam. o A hu nga ḓo vha na phambano kha nḓila ine mbilo dza mbuyelo dza ndindakhombo dza dzudzanywa ngayo. o Thirasithi i ḓo shumisa miṋeelo yavho ya ṅwedzi muṅwe na muṅwe ya u vha havho muraḓo, u ṋeela kha ZCC u itela vhone samusi vhe muraḓo wa muvhuyelwa. o Thirasithi i ḓo bvela phanḓa u ṋea na/kana u ita uri vha si na ndindakhombo vha swikelele mbuyelo dzavho nga nḓila i fanaho. THENDELO YA TSHANDUKO • Uri hu kone u itwa tshanduko, hu ṱoḓea tshanduko kha thendelano ya vhulangi na milayo ya Thirasithi. Naho zwo ralo, tshanduko dzi tea u tendelwa nga Khothe Khulwane ya Afurika Tshipembe (Tshipiḓa tsha Gauteng, Pretoria). Khothe Khulwane i ḓo dovha ya ṱolisisa themendelo dzo itwaho nga Sanlam u ya nga Pukwana ya Kganya insurance contract na maṅwe mafhungo oṱhe o raloho ane a tshimbidzana na tshanduko. • Kha Khumbelo ya Khothe, Khothe i ḓo humbelwa u ṋea ndaela ya uri Sanlam yo ṋewa thendelo ya u vha ṋea pholisi na uri Sanlam i ite nga u ralo. • Miraḓo ya Thirasithi i ḓo ita khumbelo Khothe Khulwane ya Afurika Tshipembe (Tshipiḓa tsha Gauteng, Pretoria uri hu ṱanganedzwe tshanduko (" Khumbelo ya Khothe "). • Khumbelo ya Khothe yo ṋewa i tshi bva Khothe Khulwane ya Afurika Tshipembe, Tshipiḓa tsha Gauteng, Pretoria, hu tshi shumiswa nomboro ya mulandu ine ya vha 62972/2021. • Arali vha tshi ṱoḓa u hanedza tshanduko , vha nga zwi ita nga u rumela nḓivhadzo ine ndivho yayo ha vha u hanedza Khumbelo ya Khothe ngei Khothe Khulwane ya Afurika Tshipembe (Tshipiḓa tsha Gauteng, Pretoria) nga ḽa kana nga phanḓa ha ḽa 20 Fulwana 2022. • Arali vha ita nḓivhadzo ine ndivho yayo ha vha u hanedza Khumbelo ya Khothe, yeneyo nḓivhadzo i tea u rumelwa na kha vhoramilayo vha ane a khou ita khumbelo, Webber Wentzel Attorneys ngei 90 Rivonia Road, Sandton, 2196, kana nga imeili kha kganya@webberwentzel.com , vha ṅwale uri i ṋewe Z Swanepoel / D Prinsloo. • Kha nḓivhadzo yavho ine ndivho yayo ha vha u hanedza vha tea u ṅwala ḓiresi ine vha ṱoḓa u rumelwa khayo na ine vha ḓo rumelwa khayo dziṅwe nḓivhadzo na maṅwalwa a Khumbelo ya Khothe, yeneyo ḓiresi i tea u vha khilomithara dzi sa phaḓi 15 u bva khothe (“Khothe”). • Arali vha ita nḓivhadzo ine ndivho yayo ha vha u hanedza nga ḽa kana nga phanḓa ha ḽa 20 Fulwana 2022, vha tea u rumela afidavithi i re na mbuno dzavho hu sa athu pfuka maḓuvha a 15 a khothe (maḓuvha a mushumo) nga murahu ha zwenezwo, na u rumela kopi kha vhoramilayo vha ane a khou ita khumbelo, Webber Wentzel Attorneys u ya nga zwidodombedzwa zwi re afho nṱha. • Khumbelo ya Khothe i ḓo thetsheleswa nga ḽa 3 Ṱhangule 2022, kana arali vha hanedza Khumbelo ya Khothe, nga ḓuvha ḽine ḽa ḓo ṅwalwa kha Redzhisiṱara ya Khothe Khulwane. Vhoramilayo vha Muiti wa Khumbelo vha ḓo vha vhudza nga ha ḽeneḽi ḓuvha (ndi uri, ḓuvha ḽine ḽa ḓo vha ḽo ṅwalwa kha Redzhisiṱara ya Khothe Khulwane) nga u rumela nḓivhadzo ya ḓuvha kha Ḓiresi. • Arali vha sa ḓo hanedza Khumbelo ya Khothe, a hu na zwine vha tea u zwi ita . TSHANDUKO DZI ḒO THOMA U SHUMA LINI? • Arali Khothe Khulwane ya ṱanganedza Khumbelo ya Khothe, tshanduko dzi ḓo thoma u shuma nga ḽa 1 Phando 2023 (" Ḓuvha ḽa U Thoma U Shuma "). • Hezwi zwi amba uri tshanduko kha u vha havho muraḓo, khathihi na Pukwana ya Kganya insurance contract, zwi ḓo thoma u shuma u bva nga Ḓuvha ḽa U Thoma U Shuma. NDI NGAFHI HUNE NDA NGA WANA HONE MAFHUNGO NGA VHUḒALO? • Kha vha dalele Kereke ya hune vha dzula hone uri vha wane tshibammbiri tshi re na mafhungo a ndeme. • Vha nga dovha vha kwama senthara ya dziṱhingo ya KIA kha 0800 000 538. • Vha nga ṱola kopi ya Khumbelo ya Khothe, ine ya katela thendelano ya vhulangi yo shandulwaho, kopi ya tshibugwana tsha u vha muraḓo tsha milayo yo tiwaho ya Pukwana ya Kganya insurance contract, kathihi na maṅwe maṅwalwa a ndeme, kha senthara ya tshumelo ya KIA i re tsini na hune vha dzula hone, zwidodombedzwa zwa hone zwi nga wanala kha www.mykganya.com . Vha nga dovha vha wana Khumbelo ya Khothe kha webusaithi ya Kganya kha www.mykganya.com. THIKHEDZO NGA ZCC Ri humbela vha ṱhogomele uri nṋe: • ndi tikedza tshanduko dzi re kha Thirasithi na milayo ya Thirasithi; nahone • ndi themendela tshoṱhe Sanlam uri i vhe mutikedzi wa mbuyelo dza ndindakhombo ane a vha itela themendelo u ya nga Pukwana ya Kganya insurance contract. Miraḓo yoṱhe ya vhavhuyelwa i nga khwaṱhisedzwa uri mbuyelo dze vha ṋewa dzone zwino nga Thirasithi dzi ḓo dzula dzo tsireledzwa. Mbolomo Muhulisei Mubishopo Vhodokotela B E Lekganyane