2022 KBFT New Scheme Info Poster SISWATI

B e n e f i t s F und T r u s t PUKWANA YA KGANYA SATISO LESIBALULEKILE SEMALUNGA LAZUZAKO NGESIKHWAMA SEKGANYA LETIVELA KULONEMUSA UMFUNDISI LONGUBHISHOPHI DKT. B E LEKGANYANE Njengelilunga leTinzuzo Tesikhwama seKganya (" Sikhwama ") losesimeni lesikahle sekuba lilunga, emalungelo ebulunga bakho akuvumela kutsi ube namasingcwabisane lofinyelelekako, nekhava yetifo letingalapheki neyengoti (“ yetinzuzo letinemshwalense ”); naletinye tinzuzo letifana netinzuzo teLeeto la Moria, tinzuzo tekuvikeleka nawulinyalelwa yimoto, tinzuzo tekulawula umgcwabo netinzuzo tekuhlolelwa kutsi uphile kahle (uma ngabe uliulunga lelikomidi lelisontfo kantsi ube ulilunga lelizuzako) (" tinzunzo letingenamshwalense "). Ngenca yetingucuko letenteke kumtsetfo wemshwalense letibe nemtselela kulendlela leSikhwama lesisebenta ngayo, leSikhwama asinayo lenye indlela kodvwa kumele sente tingucuko tsite ngendlela lesisebenta ngayo, nekuchibiyela kanye/noma kucitsa nekufaka leminye imitsetfosimiso lekhishwe ngulomtsetfosimiso (ngalokuyinhlanganisela " letingucuko "). Letingucuko titawuba nemtselela kumalungelo ebulunga bakho. Sicela uvakashele lisontfo langakini kuyolandza tincwajana letinelwatiso lolubalulekile loluphatselene naletingucuko letenteke kumalungelo akho ebulunga. Kutawufanele uyolandza lencwajana ngembi kwamhlaka 6 Julayi 2022 . KAFUSHANE, LOLWATISO LOLULANDZELAKO LUBALULEKILE: • Uma ngabe ulilunga laleSikhwama, utawuhlala ulilunga laleSikhwama. • Uma ngabe ulungele kutsi ube lilunga lelizuzako utawuchubeka ube lilunga lelizuzako nanoma ngabe sekunetingucuko, lekufanele tibe khona kuletinzuzo taleSikhwama, inkhani nje nawuchubeka ukhokhela imali yakho yebulunga njalo ngenyanga . • Imali lekhokhwa njalo ngenyanga yebulunga itawugcinwa ifana futsi angeke igucuke noma itsintseke ngenca yaletingucuko. • Kwanyalo, onkhe emalunga lazuzako atawuba nekhava yemgcwabo, yetifo letingalapheki kanye netingoti labatatitfola ngekusebentisa emapholisi alamacembu lalawulwa yiSanlam Developing Markets Limited (" iSanlam "). Ngenca yetingucuko kulomtsetfo wemshwalense, leSikhwama neSanlam angeke basachubeka ngalamacembu alamapholisi. • LeSikhwama angeke sisaniketa futsi/noma sitfole letinzuzo letikhaviwe ngalomshwalense wemapholisi alamacembu. Noma kunjalo, letinzuzo letinemshwalense angeke talahleka uma ngabe kuba netingucuko letifakwako . • Uma ngabe letingucuko setentiwe, lolokulandzelako kufanele kunakwe: o Njengelilunga lelinetinzuzo utawutfola sivumelwano semshwalense wePukwana ya Kganya (noma Sivumelwano semshwalense seThari ya Baruti Pukwana ya Kganya uma ngabe kwentekile emalunga ekomidi lekangemalunga lazuzako), ngenhlanganyela sitwe njenge " sivumelwano seMshwalense wePukwana ya Kganya ", ulawulwa baka Sanlam. Utawuba nepholisi yakaSanlam utfole tinzuzo letifanako kulomshwalense naleti taleSikhwama sangaphambilini ngekuhambisana netinchubomgomo talelicembu. iSanlam ikuniketa litfuba wena njengelilunga lelizuzako kutsi ube yincenye yesivumelwano semshwalense wePukwana ya Kganya. o Letingucuko titawugucula kuphela indlela emalunga lazuzako atawukhona kufinyelela kutinzuzo letinemshwalense, letitawenteka ngekutsi kufakwe letinye tinzuzo lebetitfolakala kuleSikhwama, ngemalungelo i) lonawo ngekumelana naleSikhwama kwentela kukhokhelwa kwemali yanganga tonkhe ngekuhambisana nesivumelwano semshwalense wePukwana ya Kganya; futsi ii) nelilungelo lekumelana neSanlam ngekuhambisana nesivumelwano semshwalense wePukwana ya Kganya wetinzuzo letikhaviwe. o Njengelilunga lelizuzako, leSikhwama sitawukhokha imali yanjalo ngenyanga kaSanlam inkhani nje uma uchubeka ukhokhela imali yebulunga njalo ngenyanga kuleSikhwama . Uma ngabe ungayikhokhi imali yebulunga kuleSikhwama, leSikhwama angeke sakukhokhela imali yanjalo ngenyanga kaSanlam kantsi tinzuzo takho letibalulekile tingahle tikulahlekele . o Ngekuba nesivumelwano semshwalense wePukwana ya Kganya, uma ngabe ufuna kufaka ikleyimu yanoma tiphi tinzuzo letikhaviwe, kutawufanele ukleyime kaSanlam. o Angeke kube nemehluko ngalendlela emakleyimu etinzuzo letikhaviwe asetjentwa ngakhona. o Sikhwama sitawu, njalo ngenyanga nawukhokha imali yebulunga, wenta umnikelo ku-ZCC ngekumelela wenanjengelilunga lelizuzako. o LeSikhwama sitawuchubeka futsi/noma kuniketa kufinyelela kuletinzuzo letingakakhavwa ngalokufaka ncamashi. KUVUNYELWA KWALETINGUCUKO • Kwenta letingucuko, kuchitjiyelwa kwelitayitela lalesikhwama nemitsetfosimiso yaleSikhwama kuyadzingeka. Letingucuko kufanele, noma kunjalo, tivunyelwe yiNkantolo lephakeme eNingizimu Afrika (Endzaweni yaseGauteng, ePitoli). Inkantolo Lephakeme itawubuye inake lolokubekwe yiSanlam etafuleni ngalokuphatselene neSivumelwano semshwalense wePukwana ya Kganya, nato tonkhe tintfo letihambelana netingucuko. • Kulesicelo Senkantolo, leNkantolo itawucelwa kutsi iphakamise kutsi iSanlam igunyatiwe kutsi ikunikete inchubomgomo wena, nekutsi iSanlam yenta njalo. • Emalunga esikhwama alesikhwama atawufaka sicelo eNkantolo Lephakeme yaseNingizimu Afrika (Esigodzini saseGauteng, ePitori) ngekuvumeleka kwaletingucuko (" Sicelo Senkantolo "). • Lesicelo Senkantolo siniketiwe sivela eNkantolo Lephakeme yaseNingizimu Afrika, Sigodzi saseGauteng, ngaphansi kwenombolo yelicala 62972/2021. • Uma ngabe ufuna kungavumelani naletingucuko , ungakwenta loko ngekufaka satiso senhloso yekuphikisa Sicelo Senkantolo eNkantolo Lephakeme yaseNingizimu Afrika (endzaweni yaseGauteng, ePitoli) ngamhlaka noma ngembi kwamhlaka 20 Kholwane 2022. • Uma ngabe ufaka sstiso sekuhlosa kuphikisa Sicelo Senkantolo, lesatiso kutawufanele setfulwe kubammeli balofake sicelo, Webber Wentzel e90 Rivonia Road, Sandton, 2196, noma nge-imeyili ku kganya@webberwentzel.com , ucondzise ku Z Swanepoel / D Prinsloo • Uma ngabe unenhloso yekuphikisa kutawufanele ube nelikheli lapho utawufuna kutfola khona tatiso takho ngalokutako netincwadzi ngalesicelo Senkantolo, lelo likheli kufanele kutsi lingabi khashane kundlula emakhilomitha lali-15 nalapho inkantolo ikhona (“likheli”). • Uma ngabe ufaka satiso senhloso yekuphikisa ngembi noma ngamhlaka 20 Kholwane 2022 bese ufaka bufakazi bekuphendvula kungakandluli emalanga enkantolo lali-15 ngemuva kwaloko (emalanga ekusebenta) kantsi babuye bamikise ikhophi ngemuva kwaloko kulabammeli balofake sicelo. Webber Wetzel njengakwalelikheli lelingenhla. • Lesicelo Senkantolo sitawulalelwa ngamhlaka 3 Ingci 2022, noma uma ngabe kwenteka uphikisana naLesicelo Senkantolo, ngelusuku lolutawuncunywa nguNobhala weNkantolo lephakeme. Labammeli Balofake Sicelo batakwatisa ngalolusuku (k.k. lusuku lolutawuncunywa nguNobhala weNkantolo lephakeme) ngekutfumela satiso salolusuku kuleLikheli. • Uma ngabe ungaphikisi leSicelo Senkantolo, akukafaneli kutsi wente lutfo . NGABE LETINGUCUKO TITAWUCALA NINI KUSEBENTA? • Uma ngabe Inkantolo Lephakeme iniketa imvume yaleSicelo Senkantolo, letingucuko titawucala kusebenta ngamhlaka 1 Bhimbhidvwane 2023 (" Lusuku Lwekucala Kusebenta "). • Loku kusho kutsi letingucuko tebulunga bakho, kanye nesivumelwano semshwalense wePukwana ya Kganya, kutawucala kusebenta ngaloLusuku Lwekucala Kusebenta. UNGALUTFOLAPHI LWATISO LOLUNGETIWE? • Vakashela Lisontfo langakini utitfolele incwajana lenelwatiso lolubalulekile. • Ungabuye ushayele sikhungo sentincingo sakaKIA ku 0800 000 538. • Ikhophi yeSicelo Senkantolo, lokufaka ekhatsi lelitayitela lesikhwama lelichitjiyelwe, incwajana yekhophi yemigomo nemibandzela ebulunga besivumelwano semshwalense wePukwana ya Kganya , Kanye nalamanye emaphepha labalulekile, iyatfolakala kutsi itohlolwa esikhungweni setinsita lesisedvute nawe sakaKIA, imininingwane yaso ingatfolakala ku www.mykganya.com. Lesicelo seNkantolo singabuye sitfolakale kuwebhusayithi ye lengu www.mykganya.com . ISEKELWE YI-ZCC Ngicela wati kutsi Mine: • ngiyatisekela letingucuko taLesikhwama nemitsetfosimiso yaleSikhwama; ne • kutsi ngivuma ngalokuphelele kutsi Sanlam abe ngumphakeli wetinsita tetinzuzo talomshwalensi lokuniketa litfuba wena ngekuhambisana nesivumelwano semshwalense wePukwana ya Kganya. Onkhe emalunga lazuzako angaba nesiciniseko kwekutsi letinzuzo lebaniketwa tona kwamanje nguleSikhwama titawuhlala njalo tivikelekile. Lonemusa Umfundisi Lekunguye Bhishophi Dkt B E Lekganyane