2022 KBFT New Scheme Info Poster SEPEDI

B e n e f i t s F und T r u s t PUKWANA YA KGANYA TSEBIŠO YA BOHLOKWA GO MALOKO A THERASETE YA MAŠELENG A DIKHOLEGO TŠA KGANYA GO TŠWA GO LEŠOKO LA GAGWE, MORUTI WA MALEBA, MOPIŠOPO DR B E LEKGANYANE Bjalo ka leloko la Therasete ya Mašeleng a Dikholego tša Kganya (“ Therasete ”) leo le lego maemong a mabotse, ditokelo tša gago tša boleloko di go dira gore o hwetše (“ dikholego tša inšorentshe ”) ya khava ya poloko ya go se senye mašeleng, ya bolwetši bjo bošoro le ya kotsi ya motho; le dikholego tše dingwe tša go swana le dikholego tša Leeto la Moria, dikholego tša thušo ya ka thoko ga tsela, dikholego tša taolo ya poloko le dikholego tša tekolo ya lephelo le lebotse (mo mabakeng a maloko a komiti ya kereke ao e lego maloko a baholegi) (“ dikholego tšeo di sego tša inšorwa ”). Ka lebaka la phetogo ka gare ga molao wa inšorentshe yeo e amago mokgwa woo Therasete e šomago ka gona, Therasete ga e na kgetho, efela go tsenya tirišong diphetogo tše itšeng ka tsela yeo e šomago ka gona, ka go fetoša tiro ya molao wa Therasete, le go fetoša le/ goba go gogela morago le go bea legatong ga melawana yeo e ntšhitšwego ke Therasete (ge di kopantšhwe di bitšwa “ diphetogo ”). Diphetogo tše di tla ama ditokelo tša boleloko bja gago. O kgopelwa go etela kereke ya geno ya kgauswikgauswi go ya go tšea letlakalana la go ba le tshedimošo ye bohlokwa ya mabapi le diphetogo go ditokelo tša gago tša boleloko. O swanetše go tšea letlakalana le pele ga la 6 Julae 2022. KA KAKARETŠO, TSHEDIMOŠO YE E LATELAGO E BOHLOKWA: • Ge eba o leloko la Therasete, o tla dula o le leloko la Therasete. • Ge eba o na le maswanedi bjalo ka leloko la moholegi, o tla dula o le leloko la moholegi ntle le go šetša diphetoto, leo le nago le dikholego tša Therasete, ge fela o lefela ditefo tša boleloko tša kgwedi le kgwedi . • Ditefelo tša gago tša boleloko tša kgwedi le kgwedi di tla dula di swana ebile di ka se fetoge goba tša angwa bjalo ka ditlamorago tša diphetogo. • Gabjale, maloko ka moka a baholegi a amogela khava ya poloko, ya bolwetši bjo bošoro le ya tiragalo ya kotsi ya motho go šomišwa dipholisi tša dihlopha tšeo di thekgwago ke Sanlam Developing Markets Limited (“ Sanlam ”). Ka lebaka la diphetogo ka go molao wa inšorentshe, Therasete le Sanlam di ka no se sa tšwela pele ka dipholisi tša dihlopha. • Ka go realo Therasete e ka se sa aba le/ goba go rekišetšana dikholego tšeo di inšorilwego go šomišwa dipholisi tša dihlopha. Le ge go le bjalo, dikholego tša gago tšeo di inšorilwego di ka se timele nako ye diphetogo di tsenywa tirišong . • Nako ye diphetogo di tsenywa tirišong, tše di latelago di swanetše go elwa tlhoko: o Bjalo ka leloko la moholegi o tla amogela kontraka ya inšorentshe ya Pukwana ya Kganya (goba kontraka ya inšorentshe ya Thari ya Baruti Pukwana ya Kganya mo mabakeng ao maloko a komiti ao e lego maloko a baholegi), ge di kopantšwe di bitšwa “ kontraka ya inšorentshe ya Pukwana ya Kganya ”, yeo e thekgwago ke Sanlam. O tla ba mong wa pholisi ya Sanlam ka dikholego tšeo di inšorilwego tša go swana tšeo moragonyana di bego di rekilwe ke Therasete go ya le ka dipholisi tša dihlopha. Sanlam e go neela bjalo ka leloko la moholegi gore o tsene ka gare ga kontraka ya inšorentshe ya Pukwana ya Kganya. o Diphetogo di tla fetola fela tsela yeo ka yona maloko a baholegi a tla kgonago go fihlelela dikholego tšeo di inšorilwego, e lego ka go bea legatong la dikholego tšeo gabjale di lego gona, ba ipshina ka tšona ka go šomiša Therasete, go e na le i) tokelo yeo e filwego kgahlanong le Therasete ya tefelo ya dikompetšo go ya le ka kontraka ya inšorentshe ya Pukwana ya Kganya; le ii) tokelo kgahlanong le Sanlam go ya le ka kontraka ya inšorentshe ya Pukwana ya Kganya go dikholego tšeo di inšorilwego. o Bjalo ka leloko la moholegi, Therasete e tla lefelo dikompetšo go Sanlam ge fela o lefela ditefelo tša gago tša boleloko tša kgwedi le kgwedi go Therasete . Ge eba ga o lefele ditefelo tša gago tša boleloko go Therasete, Therasete e ka se lefele dikompetšo go Sanlam ebile dikholego tša gago tše bohlokwa tša inšorentshe di ka lobja . o Ka go amogela kontraka ya inšorentshe ya Pukwana ya Kganya, gee ba o na le kleime ya ye nngwe le ye nngwe ya dikholego tšeo di inšorilwego, o swanetše go kleima kgahlanong le Sanlam. o Go ka se be le phapano ka tsela yeo dikleime tša dikholego tšeo di inšorilwego di swarwago ka gona. o Therasete e tla neela ZCC go tšwa go ditefelo tša boleloko tša kgwedi le kgwedi legatong la gago bjalo ka leloko la moholegi. o Therasete e tla tšwela pele go aba le/ goba go rekišetšana phihlelelo ya dikholego tšeo di sego tša inšorwa ka tsela ya go swana thwii. TUMELELO YA DIPHETOGO • Go tsenya diphetogo tirišong, phetošo go tiro ya molao le melawana ya Therasete e a hlokega. Le ge go le bjalo, diphetogo di swanetše go dumelelwa ke Kgorotsheko ya Godimo ya Afrika Borwa (Sekgao sa Gauteng, Pretoria). Kgorotsheko ya Godimo e tla šetša gape kabelo yeo e dirwago ke Sanlam go ya le ka kontraka ya inšorentshe ya Pukwana ya Kganya, le ditaba tše dingwe ka moka tša go swana le tšeo tša go tswalana le diphetogo. • Ka gare ga Kgopelo ya Kgorotsheko, Kgorotsheko e tla kgopelwa go laela gore Sanlam e dumeletšwe go o abela pholisi, gomme Sanlam e dire bjalo. • Basepediši ba Therasete ba tla kgopela go Kgorotsheko ya Godimo ya Afrika Borwa (Sekgao sa Gauteng, Pretoria) gore e dumelele diphetogo (“ Kgopelo ya Kgorotsheko ”). • Kgopelo ya Kgorotsheko e ntšhitšwe go tšwa go Kgorotsheko ya Godimo ya Afrika Borwa (Sekgao sa Gauteng Pretoria) ka fase ga nomoro ya molato wa 62972/2021. • Ge eba o nyaka go ganetša diphetogo , o ka dira bjalo ka go bega tsebišo ya maikemišetšo a go ganetša Kgopelo ya Kgorotsheko go la Kgorotsheko ya Godimo ya Afrika Borwa (Sekgao sa Gauteng, Pretoria) ka letšatšikgwedi la 20 Julae 2022 goba pele ga lona. • Ge eba o bega tsebišo ya maikemišetšo a go ganetša Kgopelo ya Kgorotsheko, tsebišo e swanetše go išwa gape go boramolao ba bakgopedi, Webber Wentzel kua 90 Rivonia Road, Sandton, 2196, goba ka imeile go kganya@webberwentzel.com , e ngwalelwe, Z Swanepoel/ D Prinslooo. • Ka gare ga tsebišo ya gago ya maikemišetšo a go ganetša, o swanetše go kgetha aterese fao o nyakago ebile o tla amogelago ditsebišo tše dingwe le dingwalwa ka gare ga Kgopelo ya Kgorotsheko, fao aterese e swanetšego go ba ka gare ga sedikiši sa dikilometara tše 15 go tloga go kgorotsheko (“Aterese”). • Ge eba o bega tsebišo ya maikemišeta go ganetša ka la 20 Julae 2022 goba pele ga fao, o swanetše go bega abitabithi ya go araba mo matšatšing a 15 a tsheko (matšatši a mošomo) morago ga fao mme wa fihliša gape khopi ya seo go boramolao ba mokgopedi, Webber Wentzel Attonneys go ya ka dintlha tša mo godimo. • Kgopelo ya Kgorotsheko e tla theeletšwa ka la 3 Agosetose 2022, goba mo tiragalong yeo wena o ganetšago Kgopelo ya Kgorotsheko, mo go letšatšikgwedi leo le tla kgethwago ke Mongwadiši wa Kgorotsheko ya Godimo. Boramolao ba Mokgopedi ba tla go tsebiša ka letšatšikgwedi le (ka go romela tsebišo ya letšatšikgwedi mo Atereseng. • Ge eba ga o ganetše Kgopelo ya Kgorotsheko, ga se wa swanela go dira selo sefe goba sefe . NAA DIPHETOGO DI TLA THOMA GO ŠOMA NENG? • Ge eba Kgorotsheko ya Godimo e dumelela Kgopelo ya Kgorotsheko, diphetogo di tla thoma go šoma go thoma ka la 1 Janaware 2023 (“ Letšatšikgwedi la go Tsenywa Tirišong ”). • Se se hlalosa gore diphetogo go boleloko bja gago, gammogo le go kontraka ya inšorentshe ya Pukwana ya Kganya, di tla thoma go šoma go thoma ka Letšatšikgwedi la go Tsenywa Tirišong. NAA O KA HWETŠA TSHEDIMOŠO YA TLALELETŠO KAE? • Etela Kereke ya geno ya selegae gore o amogele letlakalana la go ba le tshedimošo ya bohlokwa. • O ka ikgokaganya gape le lefelo la megala la KIA go 0800 000 538. • Khopi ya Kgopelo ya Kgorotsheko, yeo e akaretšago melao yeo e fetošitšwego ya therasete, khopi ya pukwana ya melao le dipeelano tša mabaka a boleloko gammogo le melao le dipeelano tša kontraka ya inšorentshe ya Pukwana ya Kganya, mmogo le dingwalwa tše dingwe tša bohlokwa di gona gore e hlahlobje lefelong la ditirelo tša KIA la kgauswikgauswi, leo dinhla tša lona di ka hwetšwa go www.mykganya.com . Kgopelo ya Kgorotsheko e ka hwetšwa gape go weposaete ya Kganya go www.mykganya.com . THEKGO KA ZCC O kgopelwa go lemoga gore Nna: • ke thekga diphetogo go Therasete le melawana ya Therasete; ebile • ke dumelelana le Sanlam bjalo ka mothekgi wa dikholego tša inšorentshe yoo a go abelago go ya le ka kontraka ya inšorentshe ya Pukwana ya Kganya. Maloko ka moka a baholegi ga ba tshepe gore dikholego tšeo ba di abelwago ke Therasete gabjale di tla dula di šireletšegile. Lešoko la Gagwe, Moruti wa Maleba, Mopišopo Dr B E Lekganyane