2022 KBFT New Scheme Info Poster Ndebele

B e n e f i t s F und T r u s t PUKWANA YA KGANYA ISAZISO ESIQAKATHEKILEKO ESIVELA KUMHLONITJHWA U-REVEREND BISHOP DORH. B E LEKGANYANE Njengelunga le-Kganya Benefits Fund Trust (" iThrasti ") elisebujameni obufaneleko, ubulunga bakho bukugunyaza ukuba nekhava engabiziko ezokubulunga, yamalwele athusako (“ iinzuzo ezi-intjhoriweko ”); nezinye iinzuzo ezinjenge-Leeto la Moria benefits, iinzuzo zeendleleni, zokulawulwa komngcwabo nezokuhlolwa kobujamo bezehlalakuhle yezamaphilo (nangabe amalunga wekomidi yesondo amalunga wabazuzi) (" iinzuzo ezingaka-intjhoriwa "). Ngonobangela wamatjhuguluko enzeka emthethweni we-intjhorensi anomthelela ngendlela iThrasti isebenza ngayo, iThrasti iyinayo enye indlela kodwana izokusebenzisa amanye wamatjhuguluko, ngendlela isebenza ngayo, ngokukhibelela ubunikazi beThrasti, godu/nofana kubuyekezwe begodu kujanyiselelwe imigomo ekhutjhwe yiThrasti (ngokuhlangeneko " amatjhuguluko "). Amatjhuguluko azokuthinta amalungelo wobulunga wakho. Sibawa uvakatjhele isondo lakho langekhenu ukuthola iflaya enelwazi eliqakathekileko mayelana namatjhuguluko wamalungelo wobulunga bakho. Kufanele uyokuthatha iflaya le ngaphambi kwangezi- [●] kuVelabahlinze 2022. NGOKURHUNYAZIWEKO, ILWAZI ELILANDELAKO LIQAKATHEKILE: • Nangabe ulilunga leThrasti, uzokuhlala ulilunga leThrasti njalo. • Nangabe ufaneleka ukuba mzuzi welunga uzokuhlala umuzuzi welunga njalo kungakhethisi bonyana kunamatjhuguluko nofana akekho, unelungelo lokuthola iinzuzo zeThrasti, nawubhadela umnikelo wobulunga bakho waqobe yinyanga . • Umnikelo wakho wobulunga waqobe yinyanga uzokuhlal unjalo godu angekhe utjhuguluke nofana uthikamezeke ngonobangela wamatjhuguluko. • Okwanjesi, boke abazuzi bamalunga bebathola ikhava yezomngcwabo, yamalwele nofana amagulo athusako neengozi esiKhwameni ngamapholisi wesiqhema esilawulwa yi-Sanlam Developing Markets Limited (" Sanlam "). Ngonobangela wamatjhuguluko wmthethweni we-intjhorensi, iThrasti ne-Sanlam angekhe zisaragela phambili ngamapholisi wesiqhema. • Ngalokho-ke, iThrasti angekhe sisaragela phambili inikele godu/nofana ilawule iinzuzo ezi-intjhoriweko lezi ngamapholisi wesiqhema. Nanyana kunjalo, iinzuzo zakho ezi-intjhoriweko angekhe zalahleka nakwenziwa amatjhuguluko . • Nasele kusebenza amatjhuguluko, kufanelwe kutjhejwe okulandelako: o Njengomzuzi welunga uzokuthola uzokuthola i-Pukwana ya Kganya insurance contract (nofana i-Thari ya Baruti Pukwana ya Kganya insurance Contract nangabe amalunga wabazuzi amalunga wekomidi), ngokuhlanganyelweko kubizwa ngokuthi yi-“ Pukwana ya Kganya insurance contract ”, elawulwa yi-Sanlam. Uzokuba mninipholisi we-Sanlam ngeenzuzo ezifanako zona lezo ezi-intjhoriweko ngaphambilini kuThrasti ngokuya ngemithethomigomo yamapholisi weenqhema . I-Sanlam ikunikela ithuba njengomzuzi welunga ukungenela isivumelwano ne-intjhorensi ye-Pukwana ya Kganya. o Amatjhuguluko azokutjhugulula kwaphela indlela amalunga wabazuzi azokufikelela ngayo eenzuzweni ezi-intjhoriweko, okuzokujamiselela iinzuzo zanjesi onazo ngethabo kuThrasti, ngamalungelo i) anikelwe iThrasti bona ubhadele iphrimuyamu yaqobe yinyanga ye-Pukwana ya Kganya insurance contract; begodu ii) namalungelo we-Sanlam ngokubhadelwa kweenzuzo ezi-intjhoriweko nge-Pukwana ya Kganya insurance contract. o Njengomzuzi welunga, iThrasti izokubhadelela amaphrimuyamu waqobe yinyanga kwa-Sanlam nawusaragela phambili ngokubhadela umnikelo wobulunga bakho waqobe yinyanga eThrastini . Nangabe awubhadeli umnikelo wobulunga eThrastini, iThrasti angekhe yakghona ukubhadela amaphrimiyamu wakho ku-Sanlam ngokuya begodu iinzuzo zakho ze- intjhorensi zizokulahlekela . o Ngokwamukela isivumelwano se-intjhorensi ye-Pukwana ya Kganya (i-Pukwana ya Kganya insurance contract), kutjho bona nangabe unenye nenye itleyimu yeenzuzo ezi-intjhoriweko, kufanele uyitleyime ne-Sanlam. o Angekhe kwaba nomahluko ngendlela kuphathwa ngayo amatleyimu weenzuzo ezi-itjhoriweko. o Emnikelweni wakho wobulunga waqobe yinyanga iThrasti izokunikela i-ZCC ingcenye yemali oyibhadeleko njengomzuzi welunga, ngalokho izabe ikubhadelela umnikelo wesondo. o Ithrasti izokuragela phambili ngokukunikela godu/nofana ukukubekela ifikelelo eenzuzweni ezingaka-intjhoriwa ngendlela efanako. UKWAMUKELWA (UKUPHASISWA) KWAMATJHUGULUKO • Kufuneka imigomo yeThrasti nakusebenza amatjhuguluko nokukhitjelelwa kobunikazi bethrasti. Ngalokho-ke, amatjhuguluko kufanele aphasiswe yiKhotho ePhakemeko yeSewula Afrika (i-Gauteng Division, Pretoria). IKhotho ePhakemeko izokuqala godu lokho okutjhiwo yi-Sanlam ngokwemigomo ye-Pukwana ya Kganya insurance contract, begodu nazo zoke ezinye izinto nofana iindaba mayelana namatjhuguluko. • EsiBaweni seKhotho, iKhotho izokukhonjelwa bonyana ikhuphe isiqunto sokobana i-Sanlam igunyazwe ukukunikela ipholisi, begodu nokuthi i-Sanlam yenze njalo. • Abanininzuzo beThrasti bazokufaka isibawo eKhotho ePhakemeko yeSewula Afrika (i-Gauteng Division, ese-Pitori) mayelana nokuphasiswa kwamatjhuguluko (" IsiBawo seKhotho "). • IsiBawo seKhotho sinikelwe eKhotho ePhakemeko yeSewula Afrika, i-Gauteng Division, ePitori, ngaphasi kwecala lenomboro 62972/2021. • Nangabe ufuna ukuphikisana namatjhuguluko , ungakwenza lokho ngokufaka isaziso sehloso yokuphikisa isiBawo seKhotho eKhotho ePhakemeko yeSewula Afrika (i-Gauteng Division, Pretoria) mhla nofana ngaphambi kwangezi-20 kuVelabahlinze 2022. • Nangabe ufaka isaziso sokuphikisa isiBawo seKhotho, isaziso kufanele sidiliviwe emagqwetheni nofana kubajameli bomfakisibawo, u-. Webber Wentzel ku-90 Rivonia Road, Sandton, 2196, nofana nge-imeyili ku-kganya@webberwentzel.com , uyiqalise ku-Z Swanepoel / D Prinsloo. • Esazisweni sakho sehloso yokuphikisa kufanele ukhethe isiphande lapho ufuna ukwamukelela nokuthola khona izaziso neencwadi zakho zesiBawo seKhotho, ekusiphande esingadluli amakhilomitha ali-15 werediyasi ukusuka endaweni yangekhenu ukuya ekhotho (“isiphande”). • Nangabe ufaka sokuphikisa ngehloso isiBawo seKhotho ngomhlaka-20 kuVelabahlinze 2022 nofana ngaphambi kwelangeli, kufanele ufake i-avidavidi yokuphendula emalangeni ali-15 wokusebenza kwekhotho (amalanga wokusebenza), ngemva kwalokho begodu udilivele umfakisibawo ikhophi, umdilivele kubogcwetha nofana abajameli bakhe ku-Webber Wentzel esiphandeni esingehla. • Ukulalelwa kwesiBawo seKhotho kuzokubanjwa ngelanga langezi-3 kuRhoboyi 2022, nofana nangabe uphikisana nesiBawo seKhotho, ngelanga elizabe libekwe nguRejistra weKhotho ePhakemeko. Abogqwetha bomfakisibawo bazokwazisa ngelanga lokulalelwa kwecala (ilanga elibekwe nguRejistra weKhotho ePhakemeko) ngokukuthumela isaziso esiphandeni esitjhiweko. • Nangabe awuphikisani nesiBawo, awenzi litho nofana ungenzi litho . AZOKUTHOMA NINI UKUSEBENZA AMATJHUGULUKO? • Nangabe iKhotho ePhakemeko iphasisa isiBawo seKhotho, amatjhuguluko, amatjhuguluko azokuthoma ukusebenza ukusukela ngezi-1 kuVelabahlinze 2023 (" ILanga lokuThoma ukuSebenza "). • Lokhu kutjho bonyana amatjhuguluko ebulungeni bakho, kunye naku-Pukwana ya Kganya insurance contract, azokuthoma ukusebenza ngeLanga lokuThoma ukuSebenza. UNGALITHOLA KUPHI ILWAZI ELINABILEKO? • Vakatjhela isondo lakho langekhenu ukuthola iflaya enelwazi eliqakathekileko. • Begodu ungathinta iziko lezemitato le-KIA ku-0800 000 538. • Ikhophi yesiBawo seKhotho, efaka hlangana ubunikazi bethrasti obukhitjelelweko, ikhophi yeencwajana yemigomo nemibandela yobulunga nemigomo nemibandela ye-Pukwana ya Kganya insurance contract, kunye neminye imitlolo eqakathekileko, iyatholakala bona ungayihlola, itholakala ku: www.mykganya.com. IsiBawo seKhotho singatholakala godu kuwebhusayidi yeKganya ku: www.mykganya.com . ISEKELWA YI-ZCC Sibawa wazi bonyana Mina: • ngisekela amatjhuguluko akuThrasti nemigomo yeThrasti; begodu • ngamukela ngokupheleleko i-Sanlam njengabanikazi beenzuzo ze-intjhorensi abanginikela iinsiza ngokwe-Pukwana ya Kganya insurance contract. Boke abazuzi bamalunga bangaqiniseka bonyana iinzuzo abanazo okwanjesi eThrastini zizokuhlala zivikelekile. Umhlonitjhwa u-Reverend Bishop Dorh. B E Lekganyane

RkJQdWJsaXNoZXIy MTI4MTE=