2022 Communications Flyer TS

• Xikombelo xa Khoto xi humesiwile kusuka eka Khoto ya le Henhla ya Afrika-Dzonga (Xiyenge xa Gauteng, ePitori), ehansi ka nandzu nomboro ya nandzu ya 62972/2022 • Loko u lava ku kaneta eka ku cinca, u nga ha endla tano hi ku tata xitiviso xa xikongomelo ku alana ni Xikombelo xa Khoto ya le Henhla ya Afrika-Dzonga (Xiyenge xa Gauteng, ePitori) hi kumbe kungasi fika 20 Mawuwani 2022. • Loko u tsarisa xitiviso xa xikongomelo xo kaneta Xikombelo xa Khoto, nakambe xitiviso xi fanele xi yisiwa eka magqweta ya vakomberi, Webber Wentzel e90 Rivonia Road, eSandton, 2196, kumbe hi imeyili eka Kganya@webberwentzel.com , xi kongomisiwa eka Z Swanepoel/D Prinsloo. Eka xitiviso xa wena xa xikongomelo xo kaneta, u fanele ku hlawula ndhawu leyi u kumekaka kona laha u ku lavaka naswona u nga ta amukela switiviso ku ya emahlweni ni matsalwa eka Xikombelo xa Khoto, ndhawu leyi u kumekaka kona yi faneleke ku va exikarhi ka mpfhuka wa 15 wa tikhilomitara kusuka ekhoto (“Ndhawu leyi u kumekaka kona”). • U komberiwa ku lemuka leswaku loko u tsarisa xitiviso xa xivilelo xa xikongomelo xo kaneta hi kumbe ku nga si fika 20 Mawuwani 2022 , u ta fanela ku tsarisa afidavhiti yo hlamula eka Khoto ya le Henhla ya Afrika-Dzonga (Xiyenge xa Gauteng, ePitori) exikarhi ka 15 wa masiku (masiku ya ntirho) endzhaku ka sweswo, nakambe ni ku yisa kopi mayelana ni leswi eka magqweta ya mukomberi, Webber Wentzel hi ku ya hi vuxokoxoko lebyi ngaa laha henhla. • Xikombelo xa Khoto xi ta yingiseriwa hi 3 Mhawuri 2022, kumbe eka nkarhi lowu u nga eku kaneteni ka Xikombelo xa Khoto eka siku leri ri nga ta bohiwa hi Munhu loyi a tirhanaka ni tirhekodo ta khoto eka Khoto ya le Henhla. Magqweta ya mukomberi ya ta ku tivisa hi siku leri (hl siku ri ta bohiwa hi Munhu loyi a tirhanaka ni tirhekhodo ta khoto eka Khoto ya le Henhla) hi ku rhumela xitiviso xa siku eka Ndhawu leyi u kumekaka kona. • Loko u nga kaneti Xikombelo xa Khoto, a wu fanelangi ku endla xin’wana . Xana ku humelela yini loko Khoto ya le Henhla yi amukela Xikombelo xa Khoto? Xana ku cinca swi ta sungula ku tirha rini? • Loko Khoto ya le Henhla yi amukela Xikombelo xa Khoto, ku cinca ku ta endliwa kusukela hi 1 Sungula 2023 ( Siku ro Sungula ku Tirha ”). • Leswi swi vula leswaku, hi Siku ro Sungula ku Tirha, ku: o Vavuyeriwaxidzi hinkwavo va ta ya emahlweni ku va swirho swa Nkwama. o Vavuyeriwaxidzi hinkwavo va ta kuma kontiraka ya ndzindzakhombo ya Pukwana ya Kganya leyi nga ta nyika mivuyelo ya ndzindzakhombo. Kontiraka ya ndzindzakhombo ya Pukwana ya Kganya yi ta lawuriwa hi Sanlam. o Hinkwavo vavuyeriwaxidzi va fanele ku ya emahlweni va hakela mali ya vona ya vuxirho. o Nkwama wu ta ya emahlweni, kusuka eka mali ya xirhundzu ya vuxirho – - hakela mali ya xitolomente eka Sanlam hi ku ya hi kontiraka ya ndzindzakhombo ya Pukwana ya Kganya ya vavuyeriwaxidzi hinkwavo lava hakeleleke vavuyeriwaxidzi va vona mali ya vona ya xirhundzu ya vuxirho; - endla nyikelo ya mali eka ZCC; - nyika ni/kumbe ku kuma mivuyelo ya Leeto la Moria, mivuyelo ya mpfuneto ya le tlhelo ka gondzo ni mivuyelo ya mafambiselo ya swa nkosi; ni mivuyelo ya mahlulelo ya rihanyu lerinene (eka mhaka ya swirho swa komiti leswi nga swirho swa vavuyeriwa); ni - ku nyika mfikelelo eka vuonhi byin’wana bya maendlelo ni ku tlakusa mivuyelo ya swirho swa Nkwama ni Kereke ya ZCC. Xana i mani Sanlam? • Sanlam i ndzindzakhombo ya vutomi leyi nga ni mpfumelelo hi ku ya hi Nawu wa Ndzindzakhombo, wa 18 wa 2017 (Insurance Act, 18 of 2017), lowu pasisiweke ku nyika vukorhokeri bya swa timali ni nomboro ya FSP ya 11230 naswona i musirheleri loyi a nga ta nyika vavuyeriwaxidzi ni mivuyelo ya ndzindzakhombo hi ku ya hi kontiraka ya ndzindzakhombo ya Pukwana ya Kganya. Xana Sanlam yi ta nyika hi ndlela yihi tipholisi ta ndzindzakhombo ka munhu lontshwa ku vumba xiphemu xa kontiraka ya ndzindzakhombo ya Pukwana ya Kganya eka mivuyelaxidzi? • Hikokwalaho, Sanlam ka leswi yi endla xitshembiso eka wena tani hi muvuyeriwaxidzi ku nghena eka kontiraka ya ndzindzakhombo ya Pukwana ya Kganya. • Kusuka eka wena a ku ni lexi u faneleke ku teka goza eka xona, kambe u fanele ku ya emahlweni u hakela mali ya wena ya xirhundzu ya vuxirho.