2022 Communications Flyer TS

Ku tlula makumembirhi wa malembe lama nga hundza, ndzi tumbuluxile Nkwama wa Mivuyelo ya Mali wa Kganya (“ Nkwama ”) ku va wu vuyerisa nhlengeletano ya vakereki va ZCC. Ehansi ka vurhangeri bya mina bya Nkwama, eka malembe yo hlaya, wu vile wu nyika mfikelelo eka mivuyelo ya nkoka eka swirho swa ZCC leswi hakelaka mali ya swona ya xirhundzu ya vuxirho ya n’hweti ni n’hweti naswona leswi nga eka xiyimo xa kahle (“ vavuyeriwaxidzi ”). Mivuyelo leyi yi katsa ku vuyeriwa eka swa nkosi, mavabyi yo chavisa ni ndzindzakhombo wa munhu (“ mivuyelo ya ndzindzakhombo ”); mivuyelo yin’wana yo fana ni mivuyelo ya Leeto la Moria, mivuyelo ya mpfuneto wa le tlhelo ka gondzo ni mivuyelo ya mafambiselo ya swa nkosi; ni mivuyelo ya mahlulelo ya rihanyu lerinene (eka mhaka ya swirho swa komiti leswi nga swirho swa vavuyeriwa) (“ mivuyelo ya nkandzindzakhombo ”). Kun’we ni vanhu lava hi hlayiselaka van’wana mali ya ximfumo ya Nkwama, mikarhi hinkwayo ndzi sirhelerile matirhiselo ya Nkwama leswaku ya xixima nawu hi ku hetiseka ni nawu lowu faneleke. Ku tshama wu xixima nawu, Nkwama a wu na xo xi hlawula kambe wa fanela ku cinca swin’wana hikokwalaho ka ku cinca ka milawu ya ndzindzakhombo leyi kucetelaka eka ndlela leyi Nkwama wu tirhaka hakona. Ku antswisa eka papila ra vun’wini ra bindzu ra Nkwama, ni ku antswisa ni/kumbe ku herisa nawu ximfumo ni nsivo wa ntsariso lowu humesiweke hi Nkwama, hikokwalaho swa laveka. Ku antswisa swi ta khumba mivuyelo ya ndzindzakhombo ni mivuyelo ya nkandzindzakhombo ha yimbirhi (“ ku cinca ” hi ntlawa). Papila leri ri ta vumba xitiviso xa ku cinca ka vuxirho bya wena bya ku antswisiwa loku. Tirhekhodo ta hina ti komba leswaku u xirho xa Nkwama naswona wa ringanela tanihi muvuyeriwaxidzi. Loko u nga ri xirho xa Nkwama naswona u nga ringaneli tani hi muvuyeriwaxidzi, u nga ha tsan’wa xitiviso lexi. Tanihi munhu loyi a hlayiselaka un’wana mali ximfumo ka Nkwama, ndzi nga ha ku tshembisa leswaku matshalatshala man’wana ni man’wana ma tekiwile ku tiyisisa leswaku mivuyelo ya wena yi tshama yi fana naswona mitswalo ya wena tanihi muvuyeriwaxidzi yi sirheleriwile naswona a yi nga khumbeki hi ku biha tanihi hi mbuyelo wa ku cinca loku ku lavekaka. Ku endlela ku pfumelela ku cinca, vanhu van’wana va Nkwama lowu wu hlayiselaka van’wana mali ximfumo va ta endla xikombelo eka Khoto ya le Henhla ya Afrika-Dzonga (Xiyenge xa Gauteng, ePitori) hi ku landza xiyenge xa 13 xa Nawu wo Lawula Nhundzu ya Nkwama wa 57 wa 1988 (Trust Property Control Act 57 of 1988) (“ wa Xikombelo xa Khoto ”) ku nyika mpfumelelo eka ku cinca. Hikokwalaho, Khoto ya le Henhla yi ta tekela enhlokweni hi vukheta ku cinca, ni ku tiyisisa leswaku mitswalo ya wena tani hi muvuyeriwaxidzi yi tshama yi sirheleriwile. Xikongomelo xa xitiviso lexi xa nkoka i ku hlamusela hi vuxokoxoko ku cinca , na matshalatshala eka timfanelo ta vuxirho ta wena tanihi muvuyeriwaxidzi. Vuxirho eka Nkwama • Loko u ri xirho eka Nkwama, u ta tshama u ri xirho xa Nkwama. • U ta ringanela ni ku yisa emahlweni ku ringaneriwa tanihi muvuyeriwaxidzi, u va ni mfanelo eka mivuyelo ya Nkwama, ntsena loko wa ha hakela timali ta wena ta vuxirho n’hweti ni n’hweti. Hakelo ya mali ya vuxirho • Tani hi leswi xirho xa Nkwama, u fanele ku ya emahlweni u hakela mali ya wena ya vuxirho n’hweti ni n’hweti eka marhavi ya Kereke yo hambanahambana. Tani hi leswi swi endliwaka hakona ku fika sweswi, u ta nyikiwa rhasiti loko u hakela mali ya wena ya vuxirho hi n’hweti. • Tikomiti ta tikereke ti ta yisa mali ya xirhundzu ya vuxirho eka akhawunti ya bangi hi vito ra Nkwama. • Hi ku hakela mali ya xirhundzu ya wena ya vuxirho hi n’hweti ni n’hweti, u tiyisisa vuxirho bya wena eka Nkwama tani hi muvuyeriwaxidzi. • U komberiwa ku lemuka leswaku mali ya wena ya vuxirho ya xirhundzu ya n’hweti ni n’hweti yi ta tshama yi fana naswona a yi nga cinci kumbe ku khumbeka tani hi mbuyelo ku cinca. Mivuyelo ya ndzindzakhombo: ku pfuneta eka swa mafu, mavabyi yo chavisa ni ndzindzakhombo wa munhu • Eka nkarhi wa sweswi, hinkwavo vavuyeriwaxidzi va kumile mpfuneto wa mivuyelo ya swa mafu, vuvabyi byo chavisa ni mivuyelo ya ndzindzakhombo wa munhu hi ku tirhisa milawu ya ntlawa wo hakelela hi Sanlam Developing Markets Limited (“Sanlam”).

RkJQdWJsaXNoZXIy MTI4MTE=