2022 Communications Flyer VE

• Khumbelo ya Khothe yo ṋewa i tshi bva Khothe Khulwane ya Afurika Tshipembe (Tshipiḓa tsha Gauteng, Pretoria), hu tshi shumiswa nomboro ya mulandu ine ya vha 62972/2021. • Arali vha tshi ṱoḓa u hanedza tshanduko, vha nga zwi ita nga u ḓadza nḓivhadzo ine ndivho yayo ha vha u hanedza Khumbelo ya Khothe ngei Khothe Khulwane ya Afurika Tshipembe (Tshipiḓa tsha Gauteng, Pretoria) nga ḽa kana nga phanḓa ha ḽa 20 Fulwana 2022. • Arali vha ita nḓivhadzo ine ndivho yayo ha vha u hanedza Khumbelo ya Khothe, yeneyo nḓivhadzo i tea u rumelwa na kha vhoramilayo vha ane a khou ita khumbelo, Webber Wentzel Attorneys ngei 90 Rivonia Road, Sandton, 2196, kana nga imeili kha Kganya@webberwentzel.com, vha ṅwale uri i ṋewe Z Swanepoel / D Prinsloo. Kha nḓivhadzo yavho ine ndivho yayo ha vha u hanedza vha tea u ṅwala ḓiresi ine vha ṱoḓa u rumelwa khayo na ine vha ḓo rumelwa khayo dziṅwe nḓivhadzo na maṅwalwa a Khumbelo ya Khothe, yeneyo ḓiresi i tea u vha khilomithara dzi sa phaḓi 15 u bva khothe (“Khothe”). • Ri humbela uri vha ṱhogomele uri arali vha rumela nḓivhadzo ine ndivho yayo ha vha u hanedza, nga ḽa kana nga phanḓa ha ḽa 20 Fulwana, 2022, vha tea u rumela afidavithi i re na mbuno dzavho ngei Khothe Khulwane ya Afurika Tshipembe (Tshipiḓa tsha Gauteng, Pretoria) hu sa athu pfuka maḓuvha a 15 a khothe (maḓuvha a mushumo) nga murahu ha zwenezwo, na u rumela kopi kha vhoramilayo vha ane a khou ita khumbelo, Webber Wentzel Attorneys u ya nga zwidodombedzwa zwi re afho nṱha. • Khumbelo ya Khothe i ḓo thetsheleswa nga ḽa 3 Ṱhangule 2022, kana arali vha hanedza Khumbelo ya Khothe, nga ḓuvha ḽine ḽa ḓo ṅwalwa kha Redzhisiṱara ya Khothe Khulwane. Vhoramilayo vha Muiti wa Khumbelo vha ḓo vha vhudza nga ha ḽeneḽi ḓuvha (ndi uri, ḓuvha ḽine ḽa ḓo vha ḽo ṅwalwa kha Redzhisiṱara ya Khothe Khulwane) nga u rumela nḓivhadzo ya ḓuvha kha Ḓiresi. • Arali vha sa ḓo hanedza Khumbelo ya Khothe, a hu na zwine vha tea u zwi ita . Hu ḓo itea mini arali Khothe Khulwane ya ṱanganedza Khumbelo ya Khothe? Tshanduko dzi ḓo thoma lini u shuma? • Arali Khothe Khulwane ya ṱanganedza Khumbelo ya Khothe, tshanduko dzi ḓo thoma u shuma nga ḽa 1 Phando 2023 (“ Ḓuvha ḽa U Thoma U Shuma ”). • Hezwi zwi amba uri, nga Ḓuvha ḽa U Thoma U Shuma: o Miraḓo yoṱhe i re vhavhuyelwa i ḓo bvela phanḓa i miraḓo ya Thirasithi. o Miraḓo yoṱhe ya vhavhuyelwa i ḓo ṋewa Pukwana ya Kganya insurance contract ine ya ḓo ṋea mbuyelo dza ndindakhombo. Pukwana ya Kganya insurance contract i ḓo tikedzwa nga Sanlam. o Miraḓo yoṱhe i re vhavhuyelwa i tea u bvela phanḓa i tshi bvisa miṋeelo ya u vha havho miraḓo. o Thirasithi i ḓo shumisa miṋeelo ya u vha muraḓo – - u badela dziphirimiamu kha Sanlam u ya nga Pukwana ya Kganya insurance contract u itela miraḓo yoṱhe i re vhavhuyelwa ye ya bvisa miṋeelo yavho ya u vha miraḓo; - u bvisa lweṱo-lweṱo kha ZCC; - u ṋea na/kana u wana mbuyelo dza Leeto la Moria, mbuyelo dza u tshinyalelwa nga tshiendedzi u lwendoni, mbuyelo dza vhulangi ha mbulungo na mbuyelo dza tsenguluso ya mutakalo wavhuḓi (kha vha miraḓo ya komiti ya kereke vhane vha vha miraḓo ya vhavhuyelwa); na - u ita uri zwi konadzee u swikelela dziṅwe mbuyelo dzine wa tou ḓikhethela na dzi khwinisaho vhutshilo dza miraḓo ya Thirasithi na Kereke ya ZCC. Sanlam ndi mini? • Sanlam ndi ndindakhombo ya vhutshilo yo ṋewaho ṱhanziela u ya nga Mulayo wa Ndindakhombo, wa 18 wa 2017 (Insurance Act, 18 of 2017), ndi mueletshedzi wa zwa masheleni a re mulayoni ane nomboro yawe ya FSP ya vha 11230 nahone ndi ndindakhombo ine ya ḓo ṋea miraḓo i re vhavhuyelwa mbuyelo dza ndindakhombo u ya nga Pukwama ya Kganya insurance contract. Sanlam i ḓo ṋea hani pholisi ntswa dza ndindakhombo vhathu vhane vha vha tshipiḓa tsha Pukwana ya Kganya insurance contract kha miraḓo ya vhavhuyelwa? • Sanlam i khou vha ṋea themendelo samusi vhe muraḓo wa muvhuyelwa uri vha dzhene kha Pukwana ya Kganya insurance contract. • A hu na zwine vha tea u zwi ita uri vha ṱanganedze thendelano ya Pukwana ya Kganya insurance contract, fhedzi vha tea u bvela phanḓa vha tshi bvisa miṋeelo ya u vha havho muraḓo ṅwedzi muṅwe na muṅwe. • Arali vha bvela phanḓa vha tshi bvisa miṋeelo ya u vha havho muraḓo nahone vha sa hanedzane na Khumbelo ya Khothe, zwi ḓo dzhiiwa uri vho ṱanganedza themendelo ya ndindakhombo kha Pukwana ya Kganya insurance contract nahone Pukwana ya Kganya insurance contract i ḓo ranga nga Ḓuvha ḽa U Thoma U Shuma.