2022 Communications Flyer VE

Miṅwaha i fhiraho fumbili yo fhelaho, ndo thoma Kganya Benefits Fund Trust (“ Thirasithi ”) u itela u vhuyedza tshivhidzo tsha ZCC. Nga fhasi ha vhulivhisi hanga yeneyi Thirasithi, lwa miṅwaha minzhi, yo ṋea tswikelelo kha mbuyelo dza ndeme u itela miraḓo ya ZCC ine ya bvisa miṋeelo ya u vha miraḓo ṅwedzi muṅwe na muṅwe na ine ya vha vhuimoni havhuḓi (“ miraḓo i re vhavhuyelwa ”). Dzenedzi mbuyelo dzi katela mbulungo i sa ḽi masheleni manzhi, mbuyelo dza malwadze a shushaho na dza mbadelo musi wo welwa nga khombo (“ mbuyelo dza ndindakhombo ”); na dziṅwe mbuyelo dzi ngaho Leeto la Moria, mbuyelo dza thuso musi wo tshinyalelwa nga tshiendedzi u lwendoni, mbuyelo dza vhulangi ha mbulungo; na mbuyelo dza tsenguluso ya mutakalo wavhuḓi (u itela vha miraḓo ya komiti ya kereke vhane vha vha miraḓo ya vhavhuyelwa) (“ mbuyelo dza vha si na ndindakhombo ”). Nṋe na miraḓo nga nṋe vha Thirasithi, ndo ita vhungoho ha uri tshifhinga tshoṱhe nḓila ine yeneyi Thirasithi ya shuma ngayo i tendelana nga vhuḓalo na milayo yo vhewaho. Uri i dzule i tshi tendelana na milayo, Thirasithi yo kombetshedzea u ita dziṅwe tshanduko nga nṱhani ha tshanduko kha mulayo wa ndindakhombo une wa kwama nḓila ine Thirasithi ya shuma ngayo. Tshanduko kha thendelano ya vhulangi ha Thirasithi, tshanduko na/kana u shandulwa na u vhewa ha miṅwe milayo ya Thirasithi, zwi a ṱoḓea. Tshanduko dzi ḓo kwama mbuyelo dza vha re na ndindakhombo na vha si na mbuyelo dza ndindakhombo (nga u tou angaredza “ tshanduko ”). Heḽi ḽiṅwalwa ḽi khou ḓivhadza tshanduko kha u vha havho muraḓo nga ṅwambo wa tshanduko dzo raloho. Rekhodo dzashu dzi sumbedza uri vha muraḓo wa Thirasithi nahone vha a fanelea u vha muraḓo wa muvhuyelwa. Arali vha si muraḓo wa Thirasithi nahone vha sa fanelei u vha muraḓo wa muvhuyelwa, yeneyi nḓivhadzo a i vha kwami. Samusi ndi muraḓo wa Thirasithi, ndi vha khwaṱhisedza uri ho itwa vhuḓidini vhuhulwane u ita vhungoho ha uri hu sa shandulwe mbuyelo na nzwalelo dzavho samusi vhone sa muraḓo wa muvhuyelwa vho tsireledzwa nahone vha nga si kwamee nga nḓila i si yavhuḓi nga tshanduko dzi ṱoḓeaho. Uri hu ṱanganedzwe tshanduko, miraḓo ya Thirasithi i ḓo ita khumbelo Khothe Khulwane ya Afurika Tshipembe (Tshigwada tsha Gauteng, Pretoria) u ya nga khethekanyo 13 ya Mulayo wa u Langa Thundu dza Thirasithi, wa 57 wa 1988 (Trust Property Control Act 57 of 1988) (“ Khumbelo ya Khothe ”) uri i ṱanganedze tshanduko. Khothe Khulwane i ḓo ṱolisisa tshanduko nga vhuronwane na u khwaṱhisedza uri nzwalelo dzavho sa muraḓo wa muvhuyelwa dzi dzula dzo tsireledzwa. Ndivho ya yeneyi nḓivhadzo ya ndeme ndi u ṱalutshedza nga vhuḓalo tshanduko na nḓila ine zwa kwama ngayo pfanelo dza u vha havho muraḓo sa muraḓo wa muvhuyelwa. U vha muraḓo kha Thirasithi • Arali vhe muraḓo wa Thirasithi, vha ḓo dzula vhe muraḓo wa Thirasithi. • Vha ḓo fanelea na u bvela phanḓa vha tshi fanelea sa muraḓo wa muvhuyelwa, vha ḓo tewa nga u ṋewa mbuyelo dza Thirasithi, tenda vha ḓi bvela phanḓa vha tshi bvisa miṋeelo ya u vha havho muraḓo ṅwedzi muṅwe na muṅwe. Miṋeelo ya u vha muraḓo • Samusi vhe muraḓo wa Thirasithi, vha tea u bvela phanḓa vha tshi bvisa miṋeelo ya u vha muraḓo ṅwedzi muṅwe na muṅwe kha madavhi o fhamba-fhambanaho a Kereke. Samusi yo vha i nḓowelo u swika zwino, vha ḓo ṋewa tshiḽipi musi vha tshi bvisa miṋeelo ya u vha muraḓo ṅwedzi muṅwe na muṅwe. • Komiti dza kereke dzi ḓo diphositha masheleni a miraḓo kha akhaunthu ya bannga i tshi itela Thirasithi. • Musi vha tshi bvisa miṋeelo ya u vha muraḓo ṅwedzi muṅwe na muṅwe, vha khwaṱhisedza u vha havho muraḓo kha Thirasithi sa muraḓo wa muvhuyelwa. • Ri humbela uri vha ṱhogomele uri miṋeelo yavho ine vha i bvisa ṅwedzi muṅwe na muṅwe sa muraḓo i ḓo dzula yo ralo nahone a i nga shanduki kana u thithiswa nga dzenedzi tshanduko. Mbuyelo dza ndindakhombo: mbulungo, malwadze a shushaho na mbadelo musi wo welwa nga khombo • Zwa zwino, miraḓo yoṱhe ya vhavhuyelwa yo ṋewa mbuyelo dza mbadelo ya mbulungo, mbuyelo dza malwadze a shushaho na dza musi vho welwa nga khombo hu tshi shumiswa pholisi dza tshigwada dzo waniwaho nga Thirasiti nahone dza tikedzwa nga Sanlam Developing Markets Limited (“ Sanlam ”).

RkJQdWJsaXNoZXIy MTI4MTE=